أنا مستقيل
من حالة الظلم الشديد
رافض أكون إنسان ذليل
عايش وحيد
وعشان كده ..
هبدأ طريقى من جديد
من أوله
يمكن يكون مشوار طويل
لكنى ناوى أكمله
رغم آخر ضوء
باقى لى ف شمعتى
بالرغم من كل الشقوق
اللى بتشرخ سكتى
وبرغم قسوة دمعتى
همحى حروف الحزن
وحروف المرار
من كل سطر ف صفحتى
وبرغم طول الليل
هحلم بالنَّهار
وارسم ملامح خطوتى
هرفض أعيش العمر
ويَّا وحدتى
هقطع جذور المر
و اروى جناين فرحتى
ومن هنا
قررت انا
أبدأ حكايتى وقصتى
وعشان كده ..
أنا مستقيل