|
|
ما ليلةٍ طالت على اللي لقاها |
| قمرا تِزيح الغيم اللي سكنِّي |
| عاشق و نار الشوق زادت لظاها |
| لا قُرْب يِفْنيها و لا بُعد عنِّي |
| قربه حبيب الروح زوَّد مداها |
| بُعْده كما بركان زاد امتحنِّي |
| أجمل بنات الكون وش هي معاها |
| غير الخدم للي سَكَن وسطِ نِنِّي |
| لا دَعْدِ لا ليلى و كلِّن تراها |
| رمز الثّريّا لي بحبَّه فتنِّي |
| يا زين مزيونٍ به الكون باها |
| كلِّ الخلايق في هواها حْسِدَنِّي |
| ظلمَةْ ليالي الكون شَعْرٍ كساها |
| وَجهَه صباح افلاك نورٍ حِضنِّي |
| عنبر و مسك و ورد ريحة نداها |
| جُوهر و لا قد بان لانسٍ و جِنِّي |
| يالله ياللي بالجمال ابتداها |
| ياللي ملى روحي هوى اللي ابهرنِّي |
| لا تِحْرم اللي تاه عمره وراها |
| لا تِبْعِدِ المحبوب لا تِشْقِيَنِّي |
| ودِّي أعيش أيَّام عمري بهواها |
| و انسى جميع الخلق لا تِحْرِمنِّي |
| هذا رجا اللي كل صلاته قضاها |
| واقف على الأعتاب ما خاب ظنِّي |
