يا رمل الكنال يا كنوز .. ياللي التاريخ صانك
ودونّك برموز.. إنجيلك وقرانك
قبطي ومسلم سوا .. بيشدّوا حيل البلد
يسموا باسم الله .. ويزيدوا أنصارك
لما الكنال انحفر .. جدي وجدك كانوا
هما الأساس والصبر .. انجلدوا واتهانوا
لكن بروح المصري.. اللي زاينها الشقي
عدوّا حدود الخوف .. ورسموا شريانه
وأدي الكنال دلوقت .. شريانه نبع الخير
من بورسعيد للسويس .. هفهف عليه الطير
وخيره أصبح لنا .. وميتّه في ارضنا
شايله السفن والامل.. والاحترام م الغير
رمل الكنال يا كنوز .. عدا عليك ياما
وفي كل ذرّة رمل.. ليك قصة وعلامة
تشهد بطولة مصر .. وصمودها في العدوان
وأزاي ولاد البلد .. عبورها بسلامة