أنتهينا بالسؤال
لما قولنا النهايه
والسؤال كان الغرام
ليه بدا وكانت حكايه
لما كل شىء يموت
لما قصة حب جايه
تحكى عن شكل الصمود
وقبل ما تشكى اللى حاصل
فجاءه نصبح فى سكوت
فجاءة يتشكل ما بينا
ألف سد
قيود حدود
ليه ياقلبى تعشق الحب العنود
ليه يا قلبى
ترضى تانى بالمزله
بعد ما وفيت بالعهود
ليه ياقلبى ترضى ليها بالسعاده
ألف حاجه
تقولك ايه
بعد ما طويت الامل ونسيت ماضيه
بعد ما رضيت جوا يسكن
قصه تانيه سنين معاده
استعاده للامل
ولا الحنين
استحاله بعد عشق سنين
تصبر قلبك الخالى ف جوفه
بالأنين
يمكن انت غاوى تانى تعيش حزين
شلّه باكيه جوا منك
مجروحين
الضلوع أنوا وهنوا للرحيل
والقليب غنى وقال
متعودين على دا السؤال
اسأل انت حد تانى
يمكن الحب الزمان دا
حب محتاج الكمال
والزمان اللى انت فيه
فا ت ماضيه
مش زمان الحب او حتى الوصال
الزمان ده ياحبيى ناسى عبله
ناسى قيس حتى ليلى
وروميو مات
الزمان ده ياحبيبى خد وهات
انسى انك تلقى كلمه
وسط كل دى الاهات
وسط زحمه
معادشى رحمه
لو لقيت الكلمه فيهم
صعب تخرج من عنيهم
يمكن النظره بتقتل ف السكات
بس برضوا الكلمه بايته
مش طبيعى
شىء صناعى
وانطباعى جوا منى يروح ويجى
يروح ويجى
حالف انٌه دا السؤال
شىء بديهى
ألف حاجه لسه محتاجه لاجابه
والسؤال هيكون بدايه
ولا لسه ناوى يحكى للنهايه
الف ميت مليون سؤال
والسؤال
هو ليه الحب دايماً
قصه من درب المحال
قصه شرقيه معاده
ف الخيال
والحقيقه تيجى شاده ع الستاره
مسرحيه بدون اناره
بدون مُشاهد
قصه فيها ميت عباره
ابقى شاهد
بس اوعى تروح وتيجى
تقولى عيد تانى السؤال