رماني التيه في دربٍ يعاند حاضره ماضيه وانا في أول الخطوه تضيعني تواليها يعاتب فرحتي حزن (ن)يفكّر حاضري ساليه حشا والله مايسلى وهو عايش بلاويها جفاني السعد في يومٍ يشابه اوله تاليه تنقى واسطة عقدي من احلامي وسطى فيها ومن حالك سواد(ن) طال في دنياي وتعانيه طلع بدر الحياة بظلمتي وخيّب هقاويها تموج احلام عمري والمحبه ترتقب طاريه شجوني ساعة اللقيا تترجم له خوافيها ألم وعتاب قلبي تلتقى كل الرجاوي فيه ألا يافرحة ايامي دخيـــلك لاتخليها تجّول في بساتيني وجفاف الزرع الك برويه تزين جنة أيامي وتزهر بك روابيها تناسى الهم لو لحظه وأدري عيني تباريه اهدهد ماضي الأيام تجرحني واداويها وطيفك لو يغيب احيان اسافر له واسافر فيه ولا أذكر سواك اسم(ن) غزا عروقي وسكن فيها
دموووع