لون البنفسج
بلون وردات البنفسج
نرسم حدود الامل
وبلون فرحتنه الجبيره
نرسم شفاف الغزل
بلون وردات البنفسج
نبني ساتر للعراق
وبلون تاريخ الحضاره
نرسم عثوك النخل
العراق اليوم صبح
دجلته يناغي الفرات
والطيور تصفك جناحاتهه
اتبشر الاهل
خلي نلبس ثوب عزنه
وننزع ثياب الجهل
الجرح يمتد خرايط
والوجع
يمتد كناطر للعمل
يا بحور الشعر غني
اليوم عريس العراق
ويابيابي العين صبي
اليوم فرحان العراق
اليوم نتشارك سويه
نحدد النه اجمل هويه
بالتوافق والكرد والائتلاف
احنه ايد بايد ونحل القضيه
اليوم عرسك ياعراق
الناس فرحانه وتغني
وهاذه فرحك ياعراق
والدول كلهه تهني
هاذه حبك ياعراق
الغافي
بكلوب الحراير والرجال
وهاذه مجدك ياعراق
الخله حته اطفالك
تريد المحال
الناس من تفرح تغني
واحنه فرحتنه انتخاب
احنه النه الكون يشهد
للارض عدنه انتساب
للارض عدنه انتساب
محبة