وكان ياما كان
في ذات دي ايام
فرعون زمان
زفت وقطران
جبار ما يعرف ربُّنا
ومالوش في الخير مكان
ظالم ومفتري
بياع ما يشتري
يمص في دمنا
من غير سنان
***
حرامي أصيل
مالوش مثيل
بقاله كام سنه
وراها ميت سنه
مقرفص على الكراسي
لازق عليها بالغره
تحميه عساكر منظره
وهم برضه مننا
سبحان رب الأنام
***
وان قال الخلق قوم
يزعق آدي راسي
إن قمت من هنا
تقولش دايم لها
ولا الموت كمان
هايسمع له الكلام
وروحه يمدها
ويسيبه خالد عندنا
ياشيخ جاتج سخام
كفايه فات كتير
ماعاد سوى القليل
وياخدك عزرائيل
***
هاييجي الواد همام
معاه كيسة مهام
من كفر عبد ربه
ينادي الخلق شوفوا
تعالوا نقوم قوام
لا خوف يهزنا
لا كلب يردنا
تعالوا شوفوا داحنا
أنفار كتير ونجدر
نقول أحمد حبيبنا
وعهد الله كتابنا
***
قوام الناس تجبله
كراسي الملك عنده
وماتلدش عليه
يقول شيلوا الكراسي
دا عرش كان لفاجر
وماجعد يوم فريحها
وما ارضي دى البدايه
حرير يحرم عليَّه
غيتوني من جهنم
دي بابها من هنا
هاتولي الحصر ساتر
أصلي الفجر حاضر
ويعلي الحق آيه
قانون من عند قادر
***
يارب اكرم وهاته
نريد هذا الهمام
ولي لأمرنا
ويخرج يوم بذاته
بسحنة اسمراني
من طينة أرضنا
وتفض دي الحكاية