انا قلبى مات
كل الحنين والذكريات
كل اللى فات
انا قلبى مات
مين اللى قال
ان اللى فات م العمر مات
وان الكلام ف الماضى
مش لازم يكون
لازم سكون لازم سكات
كل اللى فات
كل اللى فات من العمر كنت انا بحسبه
كل الثوانى والدقايق والساعات
انا قلبى مات
كان قلبى ماشى ف سكة عارف هيه فين
نده عليه الشوق فراحله فتووهه
ومكنش عارف ان دى السكة الغلط
ومكنش حاسب ان اللى حبه هيوجعه وهيجرحه
وان الحنين والشوق ف قلبه هيوجعه
ومكنش يعرف ان جرح الحب ممكن يقتله
انا قلبى مات
كان عمره كله عايشه ليك
كان لسه حى مابين ايديك
كان حر بيك
لكن خلاص موّته برده وروحه فيك
له حق يقسى ف يوم عليك
ينسى الكلام كل الحنان
يكره عنيك
انا قلبى مات
كان فين من القلب العنيد
كان شيء بعيد
كان لسة حبة جوه ارض بتنزرع
انداس عليها منبّتتش
كان حقها تحيى وتعيش
وتزهر الورد الجميل ومتنجرحش
انا قلبى مات
كان قلبى حضن كبير يدفى
كان كل يوم يسهر منمش
لكنه راح بعد الجراح
واللى جرح فاكره مماتش
لكن خلاص الوقت فات
ومعتش فاضل حاجه يبكى خلاص عليها
مهو كله ضاع
كل الحنين والذكريات
كل اللى فات
مهو اصله مات