متتعبش ِ من الأحزان
مهو انت شايل الأحزان
على ضهرك
وبتقاسمك ف احزانكْ
وحزنك دا مابيهدكش
لأنك حاسب الحسبة
وإنك اقوى من همك
وعمر الهم ما يهزك
ولا يقدر على كسرك
مشيت والسكة مش سالكة
وبالقدرة وبالتصميم
هتمشيها وهتعدى
عشان توصل
وتزرع بذرة الأحلام
ف نن العين ....وبتنَبت
وترويها بصبر جميل
عشان الحلم لسة طويل.....مبتملش
عشان السكة عايزة كتير....بتتحمل
وعمرك يوم ماهتسلم
وهـتــكــمـِّــــل
ونور الفجر هينوَّر كمان حلمك
وأحلامك هتتحقق
فخليك بالأمل مليان
وأطلب توبة م الرحمن
وإبدأ من جديد مَشيَك
هتلقى خطوتك فدان
وبكره الشمس راح تشرق
وهتنشف دموع حزنك
وهطبطب على كتفك
ووقت الشدة هتقولك
متتعبش ِمن الأحزان