بفتحْ بشوقي مخزنِ الأيامْ وبقرا عامهلي كتابها بلهفي بتصفحا بوجد وحزن ودموع كلا سوا ما بنسى ولانِتفي بين السطر والسطر فيه أشياء علي عزيزة وللشفا وصفي فيها حياة ملوني بالحب وفيها هموم موجِِّعَا كِتفي وحتى الفواصل والنقط بيضل شكلا حلو ومزهزه الوقفي فيها حكي عن كان ياماكان وفيها أغاني ورقص بالزَّفِّي وفيها صلاة وسهر حتى الصبح ياريتا لنها ترفّ شي رفي وفيها دفا بيقتل برد كانون مع أغلى ناس بصدق متِّصفي أمي وأبي..إختي وأخي ورفقات حولي بود ملتفي ولك يازمان ارجاع لنه نهار خليني إلمس وجْهُنِ بكفِّي مشتاق قلبي للقا وياريت توصل سلامي لعندن بلهفي وقلن أنا راح كمِّلِ المشوار بهيدي الدني وبالعهد راح وفـِّي
شعر
زاهية بنت البحر
يكفيكم فخرًا فأحمد منكم***وكفى به نسبًا لعزِّ المؤمن