كلامك ليا فى الأول
شغلنى بجد خلانى
أحس ان الحياة حلوة
واشوف الدنيا شىء تانى
كلامك كان بيسحرنى
ويبهرنى على الأخر
مكنش ف بالى تخدعنى
وتجرح قلبى فى الأخر !!
******
كلامك لما روقته
وزوقته بحروف العشق
عرفت ازاى تدوبنى
تخلينى أحسه بصدق
وهمت القلب بوعودك
ضحكت عليا بردودك
وصدقت انى موعودك
وإن غرامنا حيطول
*****
كدبت عليا ليل ونهار
وسيبت القلب يتمنى
أتارى القرب منك نار
وعمره ف يوم ما كان جنة
لا عندك قلب ولا مبدأ
ولا بتصون ولا بتعشق
نويت انا من جديد أبدأ
وح ارجع أقوى م الأول