في شعور الكون أدور..
عن معاذير لخطاي
ما لقيتْ بكل قلبي ..
غير إني ما أبيك !
ياللي فرحي من غلاك
السعد في إنك معاي
انتشي يوم إني عندك
ميتٍ هالقلب فيك
بتّعجب من شعوري
بتّعجب من هواي ..
أكرهك لحظة
و أحبك ..
كل عمري و ارتجيك
يا صحيحٍ علّته ..
من حب مغرم في عناي
يا قويٍّ هدّته ..
أيام طالت يحتريك !
وينك إنت عن عيوني
ضامية عينك بلاي ..
تدري إني في حياتي
ابتديك و بأنتهيك ..
سامرت خجلى رموشي ..
طيفك اللي هو سماي
يا سماي أصدق ثواني ..
دمعتي تضحك عليك
يا طيوفٍ احرقتها بسمةٍ ..
تسرق مناي
اشكرك من كل قلبي ..
أصل قلبي ما يبيك !!
(
)
(
)
(
شـذا