اختيار
كنت بحلم بكره ييجى بازدهار
كنت شايف شئ جميل بكره ييجى بالنهار
كنت عايش وسط ناس مبسوطين بالمرار
كانوا ياكلوا عيش وجبنه ويحلوا بالخيار
شفت ناس م الفجر تصحى
واللى سارح بالجاموسه
واللى سارح بالحمار
فى غروب الشمس يرجع الاب وابنه وابن ابنه مروحين
العينين جواها تلمع والقلوب تنبض حنين
كانت حياتهم بسيطه
كانت ااهاتهم قليله
كانت قلوبهم شريفه
كنت تلاقى البنت تلعب ويا جارها باحترام
كنت راضى بعيشتى .. لكن .. كنت مستنى النهار
ياحبيب القلب اصحى .. قوم وصبح ع النهار
الشمس طلعت من جديد .. بس طلعت باحمرار
كنت مستنى النهار
ااااه ..........ااااه
كنت مستنى النهار
ياحبيب القلب اصحى .. قوم وفتح من جديد
الشمس نسجت حريرها
الشمس لبست توب جديد
دا النهارده باينه عيد
شفت ناس كتيره ماشيه م الشمال واليمين
شفت شباب كتيره قعده ع النواصى محششين
وع الشيشات والشاشات والشات متجمعين
والقلوب متفرقين
كنت عايز بكره ييجى .. كنت مستنى النهار
نام ياقلبى فى ليل طويل .. واوعى تحلم بالنهار
اختيار