سلام عليكم جميعا ورحمة الله وبركاته
هذه القصيدة كانت ضمن تعليقات اخي احمد موسى الشاعر الجميل
على احدى قصائدي اظنها (محني القلب يا بلدي) ادخلتها منفردة
تقديرا لآخينا و ايضا استحداثا لشيئ يربطنا جميعا الا وهو الوفاء والتبجيل لمن يستأهل وبيننا الكثيرون من هؤلاء
وليعلم اخينا احمد اننا ما زلنا اوفياء له ولكل مبدع يعلم مكانة الواحة الخضراء وهي دعوة له ايضا
بالعودة الحميدة
يا طنطاوي
أنا لو هبقى يوم شاعر
عمري مهبقي من غيرك
حروف الشعر من أرضك
وبرويها أنا بخيرك
أنا مش عارف امدح فيك
قمر .. واحنا النجوم حواليك
وعمرك يوم متتكبّّّر
قمرنا مهما هنقوله
هييجي لأنه بيقدّّّر
أنا عارف كلامي فيك
لا هيقدم ولا يأخّّّر
أنا عارف كلامي كتير
وحرفي عمره ما يعبّّّّّّّّّر
أنا أشعاري على قدّّّّّّّّّّي
مقلتش يوم أنا عنتر
وهفضل عمري أكتبلك
د لو طال عمري أو قصّّّّّّّر
أنا عاشقك يا طنطاوي
لا عمري بعت مره كلام
ولااا هبقي مغناوي
أنا شفتك ف أشعارك
لقيت بيك الأدب يتزان
وهفضل عمري أقرالك
وهكبر بيك واكون فنان
أنا الأيام بتندهلي
ورايح ليها على مهلي
ومتطمن عشان وياك
أنا لو كنت يوم بلبل
فدا من حلو لحن غناك
أنا يا عم طنطاوي
منش عارف أقول فيك إيه
هقولك بس
أنا عاشقك
تقبل هذا الإرتجال واسمحلي أجمع اللي كتبته فيك مع بعض وانزله موضوع خاص
مع الجديد طبعا
والله بحبك وبدعيلك بظهر الغيب وأكيد بردو انت بتدعيلي
اقول نيابة عنه
دمتم مبدعين وتقبلوا ارتجالي