|
الشعر موقف بالمعاني والامثال![](clear.gif) |
والصدق يبني بالقوافي مثوله |
عزاه ياحلمٍ على مـَر الاجيال![](clear.gif) |
الصبر طال وحلمنا من يطوله |
عزاه يامجدٍ له العز مدهال![](clear.gif) |
وقتٍ لنا بالعز صوله وجوله |
عزاه يا عُودٍ رمى بشت وعقال![](clear.gif) |
يرثي حياة الذل واللي سعوله |
عزاه يادمعة طفل بين الاطفال![](clear.gif) |
حارت بعينه دمعته من ذهوله |
عزاه ياصرخه شكت ضيقة البال![](clear.gif) |
تبكي على مافات بنت الحموله |
شعبٍ فقد أرضه بلا حق وجْدال![](clear.gif) |
والحاضر المجهول تاهت فصوله |
شعبٍ فقد كل المهابه والامال![](clear.gif) |
الجرح ينزف والقلوب مْعـَلوله |
ضاعت حقوقه بين كاذب ومحتال![](clear.gif) |
والحق من دونه ثمانين دوله |
ياهل الكرامه مابقى شيء ينقال![](clear.gif) |
احساس وصفه مايجي بالسّهوله |
60عام وجرح الايام مازال![](clear.gif) |
وين السلام اللي صعيبٍ حصوله |
وين المواقف والشهامه والافعال![](clear.gif) |
وين الحميّا والوفا والرجوله |
إلى متى نبكي على ذيك الاطلال![](clear.gif) |
نستعرض سنينٍ توارت عجوله |
إلى متى نصفق يدينا على الحال![](clear.gif) |
ونرسم من الاوهام أكذب مقوله |
نسترجع التاريخ وانجاز الابطال![](clear.gif) |
ونسرج من خيول المعاني بطوله |
اللي بقى صوره من المجد تمثال![](clear.gif) |
والمرحله ماهي نهاية وصوله |
وشلون صرنا بالمواجيب نهتال![](clear.gif) |
واخواننا في وضع ضاعت حلوله |
وشلون مات الحلم ياطيب الفال![](clear.gif) |
وشلون نستغرب بقايا فْعوله |
لاصار قتل النفس في كل الاحوال![](clear.gif) |
منهي بشرع الله وسنة رسوله |
الفعل ماهو (ياعرب) كثر الاقوال![](clear.gif) |
ولاهو بجمع الاسلحه والعموله |
الفعل وقفه كنها اعصار زلزال![](clear.gif) |
والحق فارس جامحاتٍ خيوله |
أما نعيش بعـز وشموخ واجلال![](clear.gif) |
والا نموت بعـز (موت البطوله) |