( كنت خايف موت عليكي )
ـــــــــــــــــــــــــ ـــــــــــــــــــــــــ ــــــــ
اللي فيَّا ما تشيله جبال عفيَّه
صدقيني ..
كنت نفسي نكون في واحد
كنت نفسي أعيش
ولا ابعد عن عيونك
لحظه واحده
كنت حاسك
كنت اشوف وشك بقلبي
أحضنك ولا كنتي تدري
أمشي بيكي في كل حته
حتى لمَّا بعدتي عني
كنت باتمنى أشوفك
كات عينيه تبص دايماً
في الوشوش
ترجع البصَّات حزينه
بالدموع ..
مش لاقيكي
والألم جوايا يعصر
والوجع يسهر في قلبي
صدقيني .. لو بإيدي
كنت اضمك في رحابي
جوه عش
يادوب يسيع عصفوره زيِّك
تعرف الحب الحقيقي
أعمل ايه .. والخوف عليكي
كان مالكني
يااد .. هتقدر تبني ليها
عش ماليان بالمشاعر
بالضيا والإبتسام
يااد .. هتقدريوم تعوضها
اللي فات
كنت خايف موت عليكي
كنت خايف صدقيني .. تكرهيني
لو ما وفتش بوعودي
عمري ما بعتك في لحظه
أو يكون الغدر طبعي
كنت فجر يشف نوره
ضلام وعتمه
أعمل ايه .. م الخوف عليكي
والمسافه اللي ما بينا
يوم ويوم عماله تبعد
صدقيني ..
لسَّه خايف موت عليكي
**