وده مش جنون
تسمحى..
تسيبيلى عـمــرك أبدأه...
تشــهدى...عـلى حـلم مات....
مـن يــوم م ضـاع مـن مـبدأه
لــو كــنتى أرضى ودنـيتى
اوعـاكى تبـكى ع الشهـــيد
وتخــافى ليــمُوت الـولـــد
ايــاكى تنســـى عنـــوتــك
_لو مـــات ف بـطنــك يــوم وليـــد ...
فــى الــف غيـــره هيتــولــد _
***
لـــو ضاقـــت الأرض بطمــوحــك..
وبجــروحـك
أيــاكى لــو يــوم تنحـنى
اطـلـقـى أبــراج حمــام...
ازرعـى عُمــرك زَتــون ...
ابنـى تكعيبـة عنــب
ارميــنى للـّلـيـــل اللــّئيــم ...
متخــافيـش...
هيكــون حنــُــون
لـو كنتـــى أرضـى.
.مــش حــأتــوه
أنـا حــَرجَعــك ..
وحـارجّعــك..
صــدّ قيـنـى ...
ده مــُـــش جنـــُـون
وحـادور ادوّر ع اليتيـــم
واللـّى أمــه اتــرمـّــلت
واللـّى سكنـاه الظـنــُـون
لـو كنـتـى أرضـى متخــافيــش ...
ولا تنحنـى
حـ نقـــوم نصـلــّى ف معبــدك
ياللـّى اتـّجــاهــك قبـلتى..
يـاحـد حــلم مـالـوش حـدود
ليـلـك المليان همــوم..
حـ يضُــم يـوم نفـس الهـلال
وحـتــرجعـى لكـُــل الـوجـُـود...
مـن غيــر غيــُوم
و الحـلم فى حضنـك حـلال
****
بقعـة الــدّم اللــّى هـربت مـن سنيـن ...
حـ تـرُد لعـروقــك ..
حيـاه..
وحـ تنطـلق عشق ودفــا
ووشــوش بيمـلاهــا الـوفـــا
و نبضـة حنيـن ...
وثبات و ديـــن
تــكبيــره بتقــول.
.الـصـلاه
سجــده فـــوق طهــرك نجـاه
صـرخــه تعـلن وقـفـتـك..
ضمــّـه لــروح العطشـانيـن
ولعنـه تحـرق كــل آه
لـو كنتى أرضى ..
متـخـافيش ..
ولا تنحنى
أنــا حـ ارجـعك...
و حـ رجــّـعــك..
صـدقيــنى ....
ده مـــش جـنـــون
شعـــــــــــر هبه عبد الوهاب