( قصيده .. بالعامية المصريه )
يافارده وِشّك
وصاينه عِشّك
ياغاليه .. وانتي
أثبتّي إنّك
ماحَدّ يقدر ..
فى يوم يغّشِك
***
وكنتي قادره
ليكي المبادره
تزيلي كل ..
اللي مَسّ عِشّك
وطال فى نهبُه
.. وسَلبُه قرشك
***
بكل حَسمِك
حفرتي إسمك
في نعش كل ..
من خان في رسمِك
زايد عليكي ..
وهان في وسمِك
وبسِمُّه رَشِّك
***
بروح ولادك
صوتهم زنادِك
طَرَح ميلادك
من قلب زادِك
حرّيه للي ..
يعرف مُرادِك
ياقويّه ع اللي ..
فكّر يهِشّك
ويهين تاريخك
ويهزّ عرشِك
***
بانِت حقيقتك
ورفعتي رايتك
.. حقّقتي غايتك
.. والكل يشهد
ويقول حكايتك
انتي اللي دايماً
في كل عصر
رمز الكرامه
نَخوه .. وشهامه
شكراً ياغاليه
شكراً .. يامصر
***