كفكف دموعك وانسحب يا عنتره
فعيون عبله أصبحت مستعمره
والخلق مسجونه وأحلامها مبعتره
حتى البراءه سكته من زمان متحيره
دي الحاله من بعدك بقت متدهوره
حتى النفوس الطهره بقت متغيره
إسمعني يا إبن الناس لتبقى معيره
في ناس حالتهم هزل وفوق المسخره
والشر بين الخلق عزه ومقدره
والكل فوق جبينه يافطه مُسعره
وجلال الله ما تزعل يا فارسنا يا عنتره
دي كل حاجه حلوه بنينالها مقبره
دا حتى قصر عبله بقه خيمه مكسره
من شهد النيل بنشرب ميه معكره
والدهب الحر الصافي غطته الجنزره
دا حتى الأمريكان ناويين على القاهره
مع اليهود السفله عايزينها مجزره
إفهم كلامي يا عنتر لتقول مستكتره
أقلك كلمه حلوه وخبريه معطـره
بس والله يا سيدنا الحاله مغبره
والحب بين الناس بقى كلمه مشفره
لكن في يوم ها نصحى ونقول المعذره
ونبقى ناس جديده بالمقاس والمسطره
وبإذن الله هـا ترجع أمتـنا مفـخـره
وها ترجع عبله شابه حلوه ومتغندره
25/6/2010
مع الإعتذار للشاعر السامق مصطفي الجزار