كان لى حبيب وبحبه زمان
أيام جدى وستى كمان
كنت صغير أعرف ريحته
طايرة ودايرة ف كل مكان
كانت أمى تعملهولى
ع الطبلية تقدمهولى
يلا كل بسم الرحمن
دلوقتى دا تملى هاجرنى
لو يوم شفته مايسأل عنى
قرب يدخل ف النسيان
طبق الفتة الغالى عليا
ارجع تانى وحن شوية
سعرك أصبح ف الغليان
انسا إنو يشوفك غلبان
نفسى أشوفك أوى لو مرة
وتفرحنى بطعمك بكرة
لوفى منام أو عند جران
ولا قاطعنى أحسن خالص
قول للعدس يعدى عليا
قبل مايمشى هوا كمان