لا تعتب على
السفيه ولا تلومه
من كل فيلم
اغنيه يلم معلومه
اعلام بلدنا
يا جماعة
عمل مسلسل
اسمه الجماعة
وعمليه اسمها
السلام متذاعة
والحكومة رقصها
فى الاذاعة
خلى الشيطان يكفر
ويطلع من هدومه
والبطاله قلت عشرين
والمرتب زاد
والسلع رخيصة للاسره
والتموين فى الميعاد
ما الحزب
قالها يا اخوانا
واحنا الى مش
واخدين بالنا
العيشة غاليه
بولادنا
بس انتوا
مالكوا وملنا
ماتسيبونا ناخد فرصه
نحاسب الفساد
والعباره طلعت
جنحه يعنى فاول
مش قصد يعنى
يعنى خد وهات وناول
وعقد مدينتى
خطأ ادارى
ومن اجلك انت
ومش دارى
والاجنده نازلة
على دماغى
تبص من
الشنطة قبالى
بس العتب على
الشوف والمقاول
المهازل زى كوم
زباله فوق قنطرة
اول جزء منها
حزب واطى مسخره
امين سياسته
البيه المعظم
وابن الكبير كبير
فرعون مفخم
وصاحب جلالته
فى المقطم
ماتركزوش معايا
كله كله ((بلارالم))
والنهاية معلومة
فى المقبرة