شم النسيم
فتحي يا زهور
غني يا طيور
افتحوا قلبكوا اكتر واكتر
لونوا في البيض
افرحوا في العيد
خلوا الأحزان هنا تتأخر
وانت يا نسيم
مفيناش تقسيم
طُل علينا بأجمل منظر
الايد في الايد
مسلم ومسيحي
يحتفلوا بعيد
عيد شم نسيم على عيد إستر
ولا تعرف فرق مابين ده وده
الناس للغدا واقفة تحضر
سنوا السكاكين
قطعوا سردين
وفسيخ والرنجة بتتمخطر
خارجين للنيل
وجناين ورد مع المواويل
عالمصريين
سمي وكبر سمي وكبر
شعر د هاني أبوالفتوح
الكويت الإثنين 17 ابريل 2012