الموضوع رائع والفكرة جديدة ..
وأتمنى على أختنا أحلام المزيد من المواضيع المميزة كعادتها في كل مكان تحط الرحال فيه ..
وأدعو جميع الأعضاء للمشاركة في هذا الموضوع بأبيات وقصائد سارت في نفس الاتجاه ..
وأرجو أن تقبل مشاركتي بكلمات كتبتها بعنوان
( عاشت حروف الضاد ) ..
وإن كانت بالتأكيد لاترقى لمستوى كلمات الشاعر الرائع غازي القصيبي ..
أما الآخر فلاتعليق على كلماته وهذا رأي شخصي في جميع كتاباته ..
فى يوم جمعة.. *
وكان عرفات ..
وع الأبواب..
عيد الأعياد .
ناديت . قلت :*
ياأهل بلادى ..
ياولادى ..
ياناطقين حروف الضاد ..
* تعالوا معايا ..
نفتح كتاب الحصار ..
ونشوف سوا الأبعاد .
* فى الشرق ..
صهيونى ..
واقف لنا استعداد .
* فى الغرب ..
ليبى ..
واقفين له بالمرصاد .
* فى الجنوب ..
سودانى ..
قسموه باسم الزاد .
* وفى الشمال ..
أسطولهم ..
كل يوم يزداد .
*إمتى بقى ..
نصحى ..
دا إحنا الهدف ياولاد .
*كل أصفار العالم ..
مش فى الحساب .أعداد .
*قلب معايا الورق ..
نقرا تاريخ الأجداد .
*كان المغربى ينجرح ..
من شوكة فى بغداد .
* لو الشهيد فى اليمن ..
الكل يقف له حداد .
* دلوقتى ليه ياعرب ..
تنباع فى أى مزاد .
*لكل واحد غرض ..
ولكل واحد واد .
والليالى تمر بينا ..*
نحفظ حكاوى شهرزاد .
* فين عمرو ..
فين قطز ..
فين باقى القواد .
* طلقنا حقنا ..
نسينا تاريخنا ..
بعنا البلاد .
* دخلوا الأعادى ..
دمروا ولادى ..
بالحيلة . بالموساد .
* حتى التاريخ انسرق ..
والصهاينة ..
بقوا لأبو الهول أحفاد .
* هما اللى بنوا وعمروا ..
وإحنا اللى كنا بعاد .
* نرعى البقر والغنم ..
والحر فينا ..
للكلاب صياد .
*لابدعنا إحنا الدوا ..
ولاكنا يوم رواد .
* لافهمنا حتى الفلك ..
ولاشفنا يوم أرصاد .
لابدعنا إحنا الفنون ..*
لاالمصرى كان عوّاد .
* وفى الكتاب ملناش ..
لاهيكل ولاالعقاد .
* تاريخنا كله دمار ..
زعيمنا كان جلاد .
* نسيتوا قتل النبى ..
وجسمه ولّى رماد .
* مين اللى طرد ..
م الأرض أصحابها ..
وشاع فيها دمار وفساد .
*مين اللى كسّر ..
ضلوع الشباب ..
وهتك عرض ثناء وسعاد .
* مين اللى هدم ..
منازل بريئة ..
عهد الطغاة باين انه عاد .
* ليه الحبال تنقطع ..
وطريق فى آخره سواد .
* إيه اللى هاينجمع ..
لو عمرك تعد آحاد .
* عيدوا الجموع ..
خلوا الشموع ..
تنور فى ألف استاد .
* لموا الفروع ..
صفوا الضلوع ..
كيدوا بقى الحساد .
* لازم نفوق بدرى ..
ونجهز بأقوى عتاد .
* واللى يقف فى الطريق ..
ياخد نهاية عاد .
* سيبك بقى من النوم ..
والمشى ع السجّاد .
*عمر الغريب مايدق ..
لابن البلد أوتاد .
* دا كل همه الدفا ..
يموت لو سعره زاد .
* خايف يهب فى يوم ..
عنتر وليد شداد .
* سيفه قوى بتار ..
وحاميه ربّ العباد .
* وابنه وراه يهتف ..
عاشت حروف الضاد .