لعبة انكشفت كل اوراقا
لا تقللي بدِّك تتغاضي
ما رح إستنّى تؤمرني
إحمُل حالي وضب غراضي
وإطلع من غرفتنا الفَوْقا
وعالَم أوهامي وأمراضي
لعبة وشفتا، قريتا، فهمتا
بمرجوحة راضي ومو راضي
عم بقرا سطورا بتاريخك
ما بين الحاضر والماضي
تعبتِ بجد و ألبي تلوَّع
وبصدري سكينَكْ ماضي
شو بدي قل لك ... خليتك
وِبمَوِّت حالي وماْ براضي
بعرف ما رح بكسر قلبك
قلبك أصلا منَو فاضي
خليتك لل بِيْليقوا لك
ياللي عن أغلاطن راضي
ياللي برأيك أوفا وأكفى
والحكم بأوراق القاضي
مكتوب وما بدو دراسة
وبحاول دافع عالفاضي
طعمينهن متلي وشبعهن
قشر اللوز وفستق فاضي