نويت الصدق بس تصدقيني
ونويت الحب أيام وليالي
أبعطي كل ما عندي بإيديني
أبرسم ورد من حرفي وخيالي
إذا حيرك حبي ساعديني
ولا ترضي بمحبوب(ن) بدالي
لأني أعشق بعمري وسنيني
لأني أرفعك فوق العوالي
لأنك تسكني بحبات عيني
لأنك أغلى من كل الغوالي
أبي إنك تظلي تعشقيني
وابي إنك تحبيني لحالي
مهو إنتي تداوي وتجرحيني
مهو إنتي تزيدين بسؤالي
تلوميني وإنتي تبعديني
تدنيني وتزيدين بدلالي
وأنا المحروم من حبك عطيني
أنا ما أنسى المعين إللي سقالي
ساق الله أحضنك يا نور عيني
ساق الله تمرحي بعمري ووصالي
أنا ما تجري من دونك سفيني
وأنا ما تم من غيرك كمالي
انا عنتر وقيس ومن يبيني
أنا مجنون ليلي والهلالي
متى أبقى أفكر لو تبيني ؟
ومتى أبقى أناديلك تعالي ؟
متى تيجين وتقولي يا زيني
أنا جيتك يا سبعي ويا حلالي
ترى يوم السعادة ونص ديني
إذا صرتي تقوليلي يا غالي
ربيعي وشتوتي وصيفي بيميني
وخريف الحب عندي بالشمالي
نويت الصدق بس تصدقيني
ونويت الحب أيام وليالي