تُطاردنـي اللعنة...» بقلم عبدالله يوسف » آخر مشاركة: عبدالحكم مندور »»»»» مادام لي خالق باللطف يحرسني» بقلم هائل سعيد الصرمي » آخر مشاركة: عبدالحكم مندور »»»»» جفاف» بقلم الفرحان بوعزة » آخر مشاركة: الفرحان بوعزة »»»»» المرجعيّة الإنسانيّة في رواية "أنا مريم"، محمد فتحي المقداد» بقلم محمد فتحي المقداد » آخر مشاركة: ناديه محمد الجابي »»»»» فوائد من شرح النووي على صحيح مسلم» بقلم بهجت عبدالغني » آخر مشاركة: بهجت عبدالغني »»»»» جراح الأرض» بقلم محمد ذيب سليمان » آخر مشاركة: ناديه محمد الجابي »»»»» استنكار» بقلم ناظم العربي » آخر مشاركة: أسيل أحمد »»»»» اختراع السلالات» بقلم اسلام رضا » آخر مشاركة: اسلام رضا »»»»» بياض» بقلم ناظم العربي » آخر مشاركة: أسيل أحمد »»»»» شذرات عطرة.» بقلم أسيل أحمد » آخر مشاركة: أسيل أحمد »»»»»
عبدك وملك إيديك
ياللي مالكش شريك
في المُلك والكلمة
علّمت قلبي الشُّوف
والحب قبل الخوف
والصبر والهِمّة
قوّيني ع المكتوب
علمني إني أتوب
نجّيني م الغُمّة
نجوم تتلألأ فى سماء الواحه
أحيك على جمال الفكره وروعة المضمون
انتظر مزيدك حتى اذا كثرة الومضات جمعناها بموضوع مستقل باذن الله
تحيتى فاضلى وبالتوفيق
حاولت ان اخدع الحياه وأعيش كما تريد نفسى
لاكن خدعتنى نفسى وعشت كما تريد الحياه
في جلسة شعرية أردت أن أداعب الفيس بوك بعيون أصدقائي فكتبت أقول كالتالي:
البوست عند الدكَر .. مزنوق ومترَمّي
ولا حَد عدّا وشكَر .. لما اتحرق دمّي
كل الفريندز شُور
عايشينلي في الإيجنور
ولا ردّوا ع البونجور
ولا عبّروا اللي اتقال
لو مزة تاخد كوبي.. وتحطه بنت البوبي
يتقال كلام لولبي..ما اتقالش في الأمثال
عالم بتاع منظرة .. والخلق فيه عفاريت
شارب حاجات أصفرة.. محتاج "بلوك" "ديليت"
البنت لو شيّرِت .. حبّة كلام شُوربة
هتشوف ماسورة لايك .. تحت الكلام ضاربة
حطّة لنا صورة "سَمَر" .. علشان ماتشتغلك
وتسَمّي "سُوسُو القمر" .. مع إنها شبَهَك
علّق يا عم الروش.. واعمل لي واد حبّوب
أكْسبْت للأكونت.. بكرة تلاقيه مضروب
مربعات أهديتها إلى الشهيد -بإذن الله- محمد محرز وكل شهيد
صوتَك قُصادي وْوَرايا
حاضن لأحلام جدودنا
خارج بمبدأ و "راية"
قادرة تِدَوّب حدودنا
**
بتقول نصيبي وْقضايا
إن الطريق لسة بدري
لو حامية شمس القضايا
م المستحيل يقْسَى بدري
**
طالعة البُدُور للمداين
تكشِف وشوش اللي باعها
بكرة المدين يبقى داين
والأرض تنصر سِباعها
**
بكرة انتصارك يا خِلّي
ع النّفْس والدنيا ديّا
هلقاه بنورك داخِل لي
وَاكتب تاريخه بْإيدَيّا
**
هو انت سامع أمَلْنا
ولاّ انت مشغول بـ"حُورك"
عنّك كتير اتحكالنا
ساكنة العرايس بحورك
**
وكْفاية إن انت بادئ
خط الجهاد اللي أثبَتْ
إن انتصار المبادئ
علمْني ع الدرب أثبَت
**
بَعدك شريكة حياتك
ماشية الطريق رافعة راسها
تقرا الكرامة ف آياتك
والأ ُنس بالله حرَسْها
**
ياللي الطيابة فْـ سِماتُه
والحُسن جُوّاه ربيعي
ما انتَشْ ما بين اللي ماتوا
دانتَ اللي عايش طبيعي
**
لو يدفنوك جوّه روحي
و فـ كل لحظة أزورك
قُربك يدَوّب جروحي
وَاتْوَضّا دايمًا بنورك
**
حتى السلاح اللي تَنُّه
يرمي المهالك في دربَك
تستغفر الطلقة مِنُّه
وبتِدْعِي ع اللي غدَر بك
وتتوالى الومضات مع جمال النصوص ومواكبة الاحداث
رحم الله شهيد الحريه وجميع شهدائنا
الموضوع للتثبيت لتعدد ومضاته وتكريماً لقلمك الدفاق
تحيتى شاعرنا
وبالتوفيق