/
/
/
يا نور عيني وضميري*أصبحت انا شخص غيري
أنا لو هاوصف ملاك *يبقى اجمل منه طيري
**********
قربلي عشان بحبك *واحضن قلبي بعنيك
غرقان فعنين جميلة * ودي أحسن حاجة فيك
**********
قبلك ماعرفت احب * ولا عشتش يوم حياتي
انته الأمل والسعد * عطشان قربك ليلاتي
********
لو تمسك يوم ايديّا *قلبي بيتوه فدنيا
ورد وياسمين إديك * والضمة دي حاجة تانية
******
يا حلالي يا حب غالي * فاهمك حاسس مشاعرك
خدني فوق في العلالي * دوِّب قلبي اللي شاعرك
***********
باللهِ متنسانيش * من بحر حنان لقاك
بلقاك يا حبيبي اعيش * عيشني سنين هواك
********
إيه يعني العمر فات*فسنين حلوة و جميلة
في ناس عاشو وماتو * ومداقو الحب ليلة
********
إيه يعني العمر راح *فحنان وفذكريات
خدنا منه اكتماله* مش ناقص غير حاجات
***********
سرسب منا هوانا *صحي العالم معانا
داري يا أغلى حب * لملم أسرار دفانا
**********
عيني بتتملى فيك * قلبي دايما عليك
روحي لفت جناينك *نفسي بتسبقني ليك
*******
قصّرت كتير في بعدي * لكن عشتِ التحدي
وصبرت كتير عليا * دانتا أغلى ما عندي
****************
عذراً يا قلوب بريئة *يا عيون صافية و صديقة
لو طالبين عمري هارضى* حلمي جاه في الحقيقة
***********
متعافرشي في هواك *بالسهل هاكون معاك
روح واحدة و ساكنة فينا * ومناها من مناك
************
لو طلت النجم أجيبه*واسهرله وما أسيبه
يا نصيب العمر كله * مين يهجر يوم حبيبه
دمتم مبدعين