كنت مفكر...
إن الدنيا جميلة وحلوة
واني هعيشها بحب وبس
وان الحزن دا زي الريشة
نفخة بسيطة يطير م الحس
وان بايدي ألف العالم
- قال – و أغير شكل الكون
أبني مداين حب بشعري
تسكن فيها قلوب وعيون
والقى الفرحة جناين طارحة براءة ف وش البني آدمين
كنت مفكر إن زمانا
رحلة بتحلم بالعاشقين
بس صحيت على جرح ف قلبي
أما لقيتها بتغدر بيا
لابسة هدوم الخير والحب
وف أحلامها تبكي عنيا
وأنا من غلبي بكيت وشكيت
ما ف يوم جاتني تصالح فيا
دنيا غريبة بكل ما فيها
حتى الصدفة ف قلبها تشهد
إن دا مهما الناس تتجمع
لازم دمعة تهز المشهد