أودباتي
عايش ف التراب
بس نفسي
ساكنة بين نجوم سابع سما
أودباتي
عايش
بس فاهم إني عايش
جوا غابة ما تختشيش
فرفور صغير
بس جد الجد
ماعرفش الهزار
ماعرفشي غير سكة توصل ف النهاية
لأى موقف
أو قرار
ما انا أصلي متربي كدة
ما اكرهشي قد الإنتظار
وصحيح مفلس
بس إوعى تقول فقير
دا انا أصلي عالي
وكل أهلي ناس أكابر
م الصغير للكبير
ولا عمرى
أغازل
أو أهازل
أو أنافق
أو أوافق
أى حاجة ماحبهاش
ولا اصاحب إلا اللي يصاحبني
واللي احبه
مابكرهوش
أنا مرة رحت السيما
في مصر القديمة
التقيتها ماهيش قديمة
رحت شايل سكتي
فوق خطوتي
ومشيت ادور
ع الزمان المستخبي ف عيون البنات