رسالـــــة ........لأوباما
فضلنا نهيص نهلل نمجد وغنينا ياما
وبوش كان خنقنا واهو جه اوباما
اوباما هيفرش طريقكم ورود وهيسيب علامه
اوباما يزيل البقع م الهدوم تروح بالسلامه
اوباما يشيل المشاكل اوام
اوباما دا شيخنا وسيدنا كمان؟
وندرا عليا لهعمل مقام لسيدى اوباما
وهقلع هدومى ان صدق ف الكلام وهلبس بجامه
واطلق مراتى وهضرب حماتى
وهوهبلو عمرى وحياتى ومماتى
وهدروش اصلى بحب العمامه
هسبح واصلى وهدعى يعلى مركبك تملى
وهدعى ان ربى يشيل الغمامه
المهم انتا تصدق ياعم اوباما
وبوش غار ف دهيه
وامتنا نايمه ليوم القيامه
واهلا وسهلا يا ريس اوباما
ف حكمك هشوفك وهعرف ظروفك
وهاخد فلوسك تنكد علينا تسيب ابتسامه
وخلى ف بالك وربى ف عيالك
معونتك تساعد فاهلا وسهلا
لكن مش تسوقها علينا الرخامه
منور واهلا ياريس اوباما
سياده رئيسنا المبجل اوباما
هقولك رساله؟؟
وشوف استحاله تملى سيادتك علينا القوامه
سياده الرئيس؟
برحتك تملى وهيص لو تهيص
مهى الدنيا ليكم تملى العروسه
وانتو العريس
عرسينا اوباما وخليك تقيل
وشيل من دماغك هبل اسرائيل
هتتعب يا صحبى
وزى اللى قبلك وهتكون عويل
ومش تنسو غزه اللى جت شيبتكم ووريتكو ويل
واسمعها منى؟؟ اعتبرنى زميل
وخف السجون؟
وزر الغبار والرماد ف العيون
وايه راح يكون؟؟
مدمت انتا راجل معاك القانون
وخلى كلامك كده بالقليل
واوعا تكون؟
وزى اللى قبلك وتعمل ف ازمه
واخرتها طبعا جنابك سعادتك
هتاخد ف وشك ببوت او بجزمه
عشان خطرى اسمع كلامى هينفع؟
هينفع وصدقنى هيكونلو لازمه
وانسى حكاياتك وسكت مراتك ودلع حماتك
وخلى الوليه كلينتون سعتك تحب ولاياتك
بقولهالك انتا ياريس اوباما
عشان احنا بردو نحب السلامه
واحزر جنابك واعرف سيادتك؟طريق الندامه
وسيبو العراق لانو سعاتك امريكا بتعتك
دى متجيش ف راجل هنا من بولاق
يعم اوباما كفايه اهانه
عشان لما يحصل مشاكل خطيره عليك الملامه
وكلمه اخيره بقولها لجنابك؟
متشغلش بالك 00متتعبش حالك؟
وصهين وطنش وشوف انتا حالك
يا سيد اوباما