نــــبـــكـــي..
نْبْكِي..
نْبْكِي عْلَى اللِّي كَانْتْ بْنْتْ النَّاسْ
ضَاعْ شْبَابْهَا اللِّي يْسْوَى الْكْثِيرْ
فْالزِّينْ، الرّْقَّة، الحْشْمَة وْالإِحْسَاسْ
وْالْيُومْ صْبْحْتْ ضْحْكَة وْتْمْسْخِيرْ
يْحْسْنْ عُونْ بَّاهَا ذَاكْ الَمْسْكِينْ
رْبَّاهَا عْلَى يْدُّو وْدَارْتْهَا لُو
يْدَوزْ بِينْ النَّاسْ حَاذْرْ الْعِينْ
الْيُومْ بْنْتُو ضْحْكْتْ فِيهْ مْثَالُو
حْرْقْةْ مِّيمْتْهَا حْرْقَة مَا تْبْرَى
حْسْنْ الْبْنَاتْ كَانْتْ تْتْمْنَّاهَا
اللِّي قَلْبُو حْدِيدْ يْتْفْتّْتْ غْبْرَى
لْمَّا يْشُوفْ دْمُوعْهّا وْيْسْمْعْ بْكَاهَا
نَارْ خُوهَا فْقْلْبُو مْشْعَالْ
كَادِي مَا يْطْفَى لِيلْ عْلَى نْهَارْ
هُوَّ اللِّي دِيمَا رَادْ الْبَالْ
صْبْحْ هْدْرَة بِينْ صْغَارْ وْكْبَارْ
نْبْكِي عْلَى اللِّي كَانْتْ لاَلَّةْ الْبْنَاتْ
بْخْسْ بِهَا الشَّانْ وْصْبْحْ مَا يْسْوَاشْ
نْظْرْةْ النَّاسْ لِيهَا نْقْصَاتْ
كَانْ شَانْهَا ذْهْبْ وْرْجْعْ نْحَاسْ
رد مع اقتباس
المشاركة الأصلية كتبت بواسطة سحر الليالي
. فكان أن حصل وسجلت بعضا منه في عقلي هذا والحمد لله..