رباعيات ياسمينـــــــــــــــــــ ـــــــــا

ممنوعات العِبر


مكتوب عليك بين السطور
زي الغريب عايش تدور
بحر هادي وموج يفور
تحب واحدة مش بتعتك!!
كل ما تقرب تلاقي منها ألف سور
وعجبي

أرنب حضر .. عد الجزر
والدنيا غابة دا قدر
الملك فيها كان أسد
وسنانه دايرة ع الجميع
زي الحجر
وعجبي


غريب وطل من هدومه
مش عارف يقضي يومه
يقلّب في أوهام قديمة
حافر حزنه بين علومه
بالكيلو راح يبيع همومه
والغربة نار زي اللئيمة
عمالة تشوي فجثته وفلحومه
وعجبي


زي المجوس
عمال بيعبد ف الفلوس
ورقاب الناس تحت الأدم
وهو يدوس
قولى هتوصل لحد فين
ياللي مسيرك تتدفن
ومسير الدود فيك يغوص
وعجبي

عارف بحبك أد أيه؟؟!!
عارف أني بعشقك ؟؟
عرفت الحب اتوجد ليه!
عذاب وصبر وأعرفك
مين السبب
لو جوة عيني هغمضك
لو جوة قلبي هنبضك
لو بين كفوفي ححضنك
بس الحياه .. من غيرك يااه
زي التبوت والروح هتروح لمنتهاه
عرفت بحبك أد أيه!!
وأزاي بحب أعشقك!!
وعجبي

نفسي أعيش زي البشر
أحلم وأبص ع القمر
لا حزن يصاحب دمعتي
ولا ألم ينادي صرختي
كل ما اخطو خطوة واحدة
كاني مشيت سكة سفر
وعجبي

لما النجوم اتحولت بقت عنيك
ولما الهوى لف الحراير بين أيديك
الحب جالي واعترف
أنك أنت منبعه وهو منك إليك
ويا عجبي

العزيزة ياسمينا.........

تروح رباعياتك بين الرباعية واكثر منها ، فكان في كل نص قصيدة يمكن فصله عن الاخر ، مع انها جميعا كونت قصيدة ذات لغة حكائية جميلة ومترابطة ، تثير المتلقي فيلقفها من البداية للنهاية.

دمت بالف خير محبتي لك
جوتيار

رباعية مكشوفة

تتكشف الأجساد في الليل الساهر
ويخرج النهار بدمعه على كل طاهر
والعُري محتوم بعد السواد الساتر
وإحنا نلعن النهار اللي كشف
ونسبّه ألف مرة ونقوله انت عاهر
وعجبي

ولدي الغريق مستني قشة
أو سفينة على الشط ترسى
عمال بيحلم مع كل موجة
وشعره الأبيض جاري في كل حتة
فقلت ليه : يا ولدي خليك غريق
العمر بيجري وهتنجى أمتى؟؟!!
وإن كنت عايش حاول تنسى
وأنا هبكيك لحد ما ألقى
يا ولدي

العزيزة / يا سمينا

سلمت لنا أحاسيسك المرهفة ولعلني لا أضيف جديدا فوق كلمات أستاذى جوتيار

سوى دمت لنا بكل الحب

المبدعة يسمينا
كلامك راااائع
ولكن ينقص اصل الرباعية
تتكون من اربع سطور بنفس القافية
السطر الثالث تختلف قافيته عن باقى السطور
هذا ما علمته عن الرباعيات
ولكن المعانى والصور حقيقى رااااائعة
جزاكى الله خيرا
ودمت مبدعة