احبتي عشاق الكلمه

اهديكم هذا النص المتواضع أملاً ان ينال استحسانكم

ولا تبخلوا بالنقد

وابداء الملاحظات

لكم خالص محبتي وتقديري


وجعة نظر
وجعة نظر تجتاح فيني سكوني
كيف اكتشفني كيف وافهم جنوني
والخوف يلبسني وانا اعتريني
مرات نظراتي ولا يلتقوني
ومره افارقني ومره اجيني
لا فاهمٍ غيري ولا يفهموني
ومليت افهمني ولا فاد فيني
ضحكه توديني لغاية شجوني
وانا ارجعني حزن واحتويني
والدمع يغسل صورتي في عيوني
وانا كذه باقي على حالتيني
ضيعت نفسي بين بعضي ودوني
ما عدت اميزني يساري/ يميني
تايه جهاتي الاربعه ضيعوني
كلما طريقي ينتهي ابتديني
واليا بغيت احيا بدوني فكوني
احسني مفقود مني وابيني
وافوق واكسر قيد من قيدوني
وألبس قيودي حسب راحة يديني
وامل من قيدي وانادي طعوني
بالله يا طعنة حبيبي خذيني
نظرات عيني بالندم كبلوني
استعبدك وارجوك لاتحرريني
لو عاد نفسي والضمير اعتقوني
بدوس نفسي رغم انفي وعيني
الله خلقني والبشر شكلوني
وما زلت متمسك بربي وديني
مدري اصارع واقعي اوظنوني
والا قدر مكتوب لي في جبيني
كيف انتصر للحق وانزع جفوني
وانهي صراع الخير والشر فيني



وسلامتكم