قصيدة .. [ قطار الموت ] .. بالعامية المصرية .. شعر/ نبيل مصيلحي

قطار الموت
***
قطَّف ياريح الموت
ورد الحياه
جوه المداين والقلوب
واعصر فى دم الصبح
.....
طالت إيديك
طلل المدينه الماشيه
تحلم بالفرح والعيد
تاهت فى بطن الوجع مشاوير
.....
أمشير يا دابح
قلب الولد والبنت
ياشين
ومش واضح
حصانك الجامح
فتّح بيبان الحزن
دبلت غصون المشاعر
فى الشوارع والبيوت
.....
أرواح بتحلم بالضيا
حمام بيحلم بالسما
عيال فى شقوق المحن
بتفوت
وعيون كتير باصين
ع المصفوفين للموت
.....
ورد النهار
مُهَج القلوب
لملم شتات القلب
انزع مرارة حكمتك يا صبر
وافتح فى القلب عين بتشوف
اللى اندفن جوه الوطن
مجروح
محروق بنار الهمهمه
وثرثرات البوح
.....
عصفور جوه قفص حديد
مقفول بيبان .. شبابيك
وقلب صلب عنيد
مفتاحه فى جيوب السماسره /
البياعين /
المسئولين
وعلامة استفهام
ماشيه على قضبان
تصرخ فى وش الريح
ودن الخسيس من طين
وودن تانيه عجين
بتلخبط الاجابات
.....
إيدين بتغزل م الضنا هدمه
للوقت والمسافات
إيدين بتخنق فى الحكاوى
عيال وبنات
إيدين ما تعرف فى البنا
وتحفر قلب السكك متاهات
.....
دوامه بتشد الزمن
بره حدود الضى والسلامات
.................

	عصفور جوه قفص حديد مقفول بيبان .. شبابيك وقلب صلب عنيد مفتاحه فى جيوب السماسره / البياعين / المسئولين وعلامة استفهام ماشيه على قضبان تصرخ فى وش الريح ودن الخسيس من طين وودن تانيه عجين بتلخبط الاجابات ..... إيدين بتغزل م الضنا هدمه للوقت والمسافات إيدين بتخنق فى الحكاوى عيال وبنات إيدين ما تعرف فى البنا وتحفر قلب السكك متاهات ..... دوامه بتشد الزمن بره حدود الضى والسلامات ................. شرف لى أن أكون أول المعانقين لنصك الجميل

وشرف لي أن نتوحد ..
أن نبني .. أن نرفع كل ما له قيمة ..
ولكن الآن يا علاء وجدت في المنتدى ما أطاح بأمنيتي ..
وجدت هذه المجاملات في الكثير من الصفحات , ومن تجامله
يستحسنك , ومن تسدي إليه النصيحة يضرب بكلامك عرض المحيط ,
ولا يصغى لك , وهذا نذير سوء , قد يفقد هذا القسم الجميل ملامحه .
أتمنى أن نعود جميعاً مرآة صادقة يرى فيها الآخر نفسه..
ساعدني يا علاء .
خالص تحياتي
نبيل مصيلحي

الشاعر القدير جدا نبيل مصيلحى
غيابك طال
لعل الامر خير ان شاء الله
دائما ننتظر منك الجمال والابداع
تقبل مودتى

أخي الكريم / فوزي أبو دنيا
تحياتي
دمت لي باستقبالك الحافل وكرمك الفياض
خالص مودتي
نبيل مصيلحي

نص جيد استمتعت به
تحياتي
صبحي سعيد

شاكر جداً مرورك الطيب أخي " صبحي "
تحياتي
نبيل مصيلحي

أرواح بتحلم بالضيا
حمام بيحلم بالسما
عيال فى شقوق المحن
بتفوت
وعيون كتير باصين
ع المصفوفين للموت
.....
ورد النهار
مُهَج القلوب
لملم شتات القلب
انزع مرارة حكمتك يا صبر
وافتح فى القلب عين بتشوف
اللى اندفن جوه الوطن
مجروح
محروق بنار الهمهمه
وثرثرات البوح
.....
عصفور جوه قفص حديد
مقفول بيبان .. شبابيك
وقلب صلب عنيد
مفتاحه فى جيوب السماسره /
البياعين /
المسئولين
وعلامة استفهام
ماشيه على قضبان
تصرخ فى وش الريح
ودن الخسيس من طين
وودن تانيه عجين
بتلخبط الاجابات
**********
**********
**********
رااائعة أخي فعلاً..

وخصوصاً هذه المقتطفات

دم بعزٍ أخي وارتقي بشعرك

وبارك الله فيك

أخي الكريم / إبراهيم محمود الخضو
تحية احترام ومودة
في البداية أرجو أن تقبل أسفي على تأخر الرد على زيارتك الكريمة
وكل عام وانتم بخير ..
دمت بمودتك الحانية , وانطباعاتك الواعية .
خالص تحياتي
نبيل مصيلحي

مرور على قضبان الحرف بلا خوف
مادامت من شاعرنا شاعر العامية / نبيل مصيلحي
سلمت ودمت لنا
تحيــــاتي