مليون قصيدة يا عرب.... قصيدة (مسموعة) باللهجة الصعيدية المصرية

مليون قصيدة يا عرب

قصيدة باللهجة الصعيدية المصرية

لسماع القصيدة، اضغط على هذا الرابط:

	مفتتح: أمريكا قالت: "يا عرب... العلم قال.. انّ السما من غير عمود" احنا العرب.. قُلنا: "دى قُدرة ربّنا" أمريكا قالت: "يا عرب... العلم قال.. الكون ما بتحدُّوش حدود" احنا العرب.. قلنا: "دى حكمة.. ربّنا" أمريكا قالت: "يا عرب، العلم قال... القدس من حق اليهوووووووود" احنا العرب... قلنا: "يبارك ربنا"!!! القصيدة: مليون قصيده يا عرب مليت خلاص من دى القصايد والخطب مليون قصيده عفّنت وريحتها فاحَت م العطب مليون قصيده يا عرب *** مليون قصيده ع الورق متستفه وْ... متحنتفه وْ... لسه الإيدين... متكتفه وْ... متلفلفه.. بقيود ولكن مش حديد دى قيود يا ناس من نوع جديد طب هيه إيه؟!! جندى يهودى جاب لبانته اللى في بقه و شدها زى الخيوط قاموا العرب مدوا إيديهم ناحيته قام لفها حوالين إيديهم أصبحت هيه القيود!!! ميته إيديكم يا عرب تقوى على الخيط الضعيف؟!! و تقطعه بنفخة هوا من صدر واحد منكم قلبه صحى... أو مستحى... مليون قصيده يا عرب كان نفسها تتقال في يوم الإنتصار كان نفسها تهرب من الليل... للنهار كان نفسها تخرج عن السطر الضريح و تسابق الريح اللى رايحه تحرر الأقصى الجريح كان نفسها وكان نفسها وكان نفسها... لكن كسرتم نفسها...!!! ميته تفوقوا يا عرب؟!! و القدس اهه محبوسه في أوضة يهودى بتغتصب و انتم خواتها و بكره ييجى الدور عليكم و هتدخلوا أوضة اليهودى اللى بناها بجبنكم من غير حيطان... ما انتو اكتفيتم بال... قصايد والخطب يادى القصايد والخطب خلتنا نهزم إسرائيل... جوا الكتب!! ورق القصايد والخطب بتقطعوه و تلفلفوه علشان تسدوا بيه ودانكم لاجل ما تسمعش صرخة مستغييييث... ندل وخسييييس كل اللى عرضه راح هدر ما مسحش عاره كل اللى أرضه بتنسرق و ما خدش تاره مليون قصيده يا عرب قالت لكم: "قوموا نحاااااارب..." ما سمعتوهاش قالت لكم: "قوموا نجرب نبقى رجاله و اهى الدنيا تجاااااارب..." قلتم:"بلاش" قالت لكم: "القدس بتنادى ( كفاااااايه!! دايمًا عليه حاولوا يوم تبقوا معاااايه!! )" ما فهمتوهاش... ***** لفيت على كل العرب و باقول لهم: "قوموا يا فرسان العرب للمعركه... قوموا يا فرسان العرب للمعركه... قوموا يا فرسان العرب للمعركه..." اللى يقول لى: "لو نحارب مسكونى سيف ( عمر ) و احنا ضرورى ننتصر" يا سيف ( عمر )... ما تقول لى إيه السر فيك حدادك اللى صنعك ركب زرار النصر فيك؟! خلاك تحارب تنتصر حتى ولو في إيدين جبان؟!!! و اللى يقول لى: "لو نحارب ركبونى حصان ( صلاح ) و تلاقوا عصر الظلم راح" يا حصان ( صلاح )... ما تقول لى إيه خلاك بطل؟!! كات وكلتك وكلة ميتين م الاحصنه؟! ولا تلاقيك بعشر رجول! ولا براسين! بتخش أرض المعركه و بتنتصر حتى ولو كان اللى راكبك ماسك الخمره وحاضنها بين شفايفه!!! ***** المعجزه مش في الحصان... و لا عمرها كانت في سيف... عايزين نجمع يا عرب من كل دوله ميت جنيه و ننقى حتة أرض (( طاهره )) نبنى عليها مصنعين واحد يصنع لينا جيش مابينهزمش يركب على ضهر الحصان و التانى يعمل لينا كام دستة إيدين علشان تحارب بالسيوف لو مامعاكوش... لو مامعاكوش حق المبانى يا عرب أنى مستعد أتباع في سوق النخاسين و ادفع لكم و لما تبقو أغنيا بين الأمم ابقوا ساعتها ردوها لى ***** و بالمناسبه... قبل ما اخلص كلام... أمريكا باعته لكم سلام... بتقول لكم: "متشكرين لولاكم انتو يا عرب ما كانتش ليا منزله بين الأمم إنتو اللى وطيتم عشان نركب على اكتافكم سنين و عشان كده بنقول لكم من قلبنا متشكريييين... و عشان كده راح اوصى إسرائيل عليكم علشان تبطل ضرب فيكم ... يا إسرائيل... يا بنيتى اطمنى... مافيش سلام... لكن بلاش الضرب في بلاد العرب يا إسرائيل دا مش عشان انتى رحيمه وطيبه يا بنيتى لكن عشان... ( الضرب في الميت... ... حرام... )**********

حين سمعتها أول مرة ..
بلا شعور وقفت وصفقت لك ..
والآن حين قرأتها أعاود التصفيق ..

أيها الأمير الشاعر ..
أبدعت ورب والبيت ..
أبدعت صياغة وإلقاء ..


بارك الله بك ولك ..
تحيتي ..

الصديق الحبيب مصطفى
سمعتها منك
وحفظتها عن ظهر قلب
لك قلب يختلف عن قلوب الناس
لك فكر خاص
لك قلم شاعر شاعر بحال الأمة
قصيدة كالكرباج
تخط بكل سطر مكانه فى القلب خط
لك كل الود
ولقصيدك كل التقدير
وائل القويسنى

	يا سيف ( عمر )... ما تقول لى إيه السر فيك حدادك اللى صنعك ركب زرار النصر فيك؟! ياولد يالعييييييييييييب شاعرررررررر حقيقى بجد شاعر يا حصان ( صلاح )... ما تقول لى إيه خلاك بطل؟!! كات وكلتك وكلة ميتين م الاحصنه؟! ولا تلاقيك بعشر رجول! ولا براسين! بتخش أرض المعركه و بتنتصر ها وبعدين معاك؟!!! ياجزار لو مامعاكوش حق المبانى يا عرب أنى مستعد أتباع في سوق النخاسين و ادفع لكم و لما تبقو أغنيا بين الأمم ابقوا ساعتها ردوها لى هاصبر عليك ماشوف آخرتها إيه؟ قبل ما اخلص كلام... أمريكا باعته لكم سلام... بتقول لكم: "متشكرين لولاكم انتو يا عرب ما كانتش ليا منزله بين الأمم إنتو اللى وطيتم عشان نركب على اكتافكم سنين و عشان كده بنقول لكم من قلبنا متشكريييين... بص هاسكت أحسن يابو درش يا إسرائيل... يا بنيتى اطمنى... مافيش سلام... لكن بلاش الضرب في بلاد العرب يا إسرائيل دا مش عشان انتى رحيمه وطيبه يا بنيتى لكن عشان... ( الضرب في الميت... ... حرام... )********** الله واسكت ليه مصطفى جزار سامعنى . روووووووووووح الله ..... .......... ........... ها يعمر بيتك" على فكرة كنت ناوى اسمع القصيدة دلوقتى بس مش هاسمعها عشان ماحسدكشى ههههههههههههه بورك قلمك وحرفك

يا نبض مُتفاعل مع ما تمر به الأمة
مصطفي ... أيها الشاعر بأحساس
متفرد ،،
وربي أنك أتقنت وأجدت

تحياتي واحترامي

الجزار........

تبقى سامقا بروحك وفكرك وحرفك...........

دم بخير
محبتي
جوتيار

الله...قصيدة أخرى لكَ تأسرني يا شاعرنا الكريم
اواهٍ من حالنا!

تقديري

الله الله
يحق لك كل هذا الدلال أيها المفضال
لأنك أمير الشعراء
ومن يكون أميرا لا يكتب إلا جمال الجمال
وبجوده يكون كل الألق والوفاء
يا لحبك الوطني أيها الأغر .
قصيدة جميلة ,,بارك الله فيك يا عزيزي
حماك الخالق وبارك بأسرتك الكريمة

ليوفقنا الله

المبدع الاستاذ والشاعر / مصطفى الجزار
اولا اشكرك انك اتحت لى ان ارى واسمع هذه القصيدة الرااااااائعة سمعتها منك مرة واحدة وكنت اتمنى ان اقراها فشكرا جزيلا
قصيدة فى قمة الابداع وليس هذا جديد على امير الشعراء / مصطفى الجزار
نتمنى لك نجاح دائم وحياة موفقة دائما
لك كل التحية والتقدير
تلميذتك
الهام احمد سعد

حين سمعتها أول مرة ..
بلا شعور وقفت وصفقت لك ..
والآن حين قرأتها أعاود التصفيق ..
أيها الأمير الشاعر ..
أبدعت ورب والبيت ..
أبدعت صياغة وإلقاء ..
بارك الله بك ولك ..
تحيتي ..

أديبتنا الراقية، الأستاذة / وفاء

بارك الله فيك وشكراً على هذا المرور العذب وعلى حسن ثنائك الذي أرجو أن أستحقه.

تقبلي كل التقدير والتحية.