السلام عليكم ورحمة الله وبركاته

الى اقلام العار المتصهينة التي وجهت
سهامها على المقاومة الباسلة!!
والى كل ناطق عربي متصهين!!


مين السبب؟! مين ابتدا؟!
حماس؟! ولا جيش العدا؟!
وجعتولي راسي بـ هالموال
ونسيتوا اني بأرضي جوَّال


قل لي انت شو الي صار؟!
ومين الي فرض الحصار؟!
كيان صهيوني واحتلال!
ونسيت دمي عليهم حلال


يلي عامل حالك وطني!
وينك؟ وانا شايل كفني
متصهين بهاجم الابطال
بكلامك خجلوا الاطفال!


يلي حامل هم القضية!
مش هيك بنول الحرية!
ويرحم ترابك.. يا دلال
بتسوي كل هيك رجال


ريته قلمك كان بندقية
لكنه كان.. لقمة هنية
لمجرمين خافوا القتال
تخبوا من صور القنال


ريته قلمك كان صاروخ
لكنه ما بعرف الشموخ
لو كان مرة فارس خيال
هلا صار للابد تحت نعال


شوية خجل.. وكرامة
صرتوا تحت الصرامة
وآخ يا خونة..!! يا انذال
الشمس ما بغطيها غربال


وبالاخر من حقي أسأل:
ليش الحاكم يتهنى ويعيش؟!
ليش الطفل فينا يواجه جيش؟!
وبعده فرخ صغير بلا ريش!!
وين نصرتكم؟! او شيش بيش؟!



ريما حاج يحيى
فلسطين المحتلة
عام النكبة 48
[/]