وإيـّه قـولك

وإيـّه قـولك

ويا ممــدّد ف ضلايتـــى

ومتهدهــد على حروفــى

ومدّارى فى احلامــى

وانا زايد عليك خوفـــى

بامـد إيديـّـا بارسمـلك

معانـى الشوق على كفوفــى

وباهديلك غُنـا ف قلبـــى

وبسقيـك من كاســات حبــى

وأغنيلك علـى الارغــول

بحبـــك..

بس مش طايلــه فى حبــك ليــه

بحبــك لـو هتسمعــها

هقــولك قــول ..!

ندهتـلك على الأيــام

عشــان ترضــى تسيبنــا نعيـش

جمعتــلها نجــوم الليــل

ف عقــد جميـــل

وقولتلــها

ده غيــره ماليـــش

غزلتلهـــا على نـولك

وغنيتـــك كمـــا المــواويـــل

عشــان القـــاك

وبــرده مفيـــــش

أنا المشتاقه أحضـــانك

أكــون أنغــــام ف بستـــانك

و نفــس البحــر مــن شعـــرك

أنـــا قلبــى رسمهــولك

عزفهــولك

على الأوتـــار

بحبــك

حب دوّبتــو
ف هـــوى الأشعـــار

هــدتهــولك

بحبــــك

طب

وإيـــه قــولـك ..!!؟

كلمات / هبه عبد الوهاب

تذوقت هنا شهد الإبداع شعرتنا الرائعة
بذائقة استفزت فينا شهية المتابعة
دمتِ بألق
تقديري الكبير

بعد كلامك الرائع الجميل يا هبة ، حيكون قوله ايه ؟
لازم طبعا يدوب من الحب والشوق وإلا يكون من صخر مش من دم ولحم .
نفس طيب وتصوير جميل وموسقى لطيفة .

لك التحية

اكثر من هذا لاتقولي له يا هبةسلام عليك والإبداعرائعة اختي المبدعة الشاعرة هبةللتثبيت تقديرا و للعودة لكي ننهل منها

نداء رقيق بحروف عذبة ومشاعر تقطر حبا وتتدفق حنانا
فهل يملك بشر أن لا يرق؟

أبدعت شاعرتنا

دمت بألق

ليست بكلمات ابداً
بل هو عزفُ روحٍ صافية الشعور والشاعرية
قلبك كبير ياشاعرة
الحق أنني هنا استمتعت بغزلٍ صافٍ من فؤادٍ لا يَقِلُ رقة عن صاحبته
فشكراً لكِ
cryheart

رائع رائع ياشاعرتنا القديرة / هبه محمد

تحيتي لشعر مس شغاف القلب
وتحيتي للفاضل / محمد حسن لتنقيبه لنا عن روائع العامية .
وعتاب مني للأستاذة / هبة لأنها كثيرا ما تحرمنا من تواجدها الثري في أنشطة القسم ونصوص الزملاء والزميلات .

حمادة الشاعر