صحاري الود
أضنت صحاري الود خفوف نوقي
والود لمن في حالتي بليه!!!!
لانه معي قلبن م هو شفوقي
طوع دموعي له وهي عصيه
يشفق على كل شي سوى عروقي
ما همته لو تنكوي بكيه
أواه من دنيا خذت حقوقي
حتى تحايل ظلها عليه
مازلت أتنازل بطيب ذوقي
واعطي بكف في جودها سخيه
واطعم هواجيس الوهم خفوقي
واسقي شجيراته فكر ونيه
متمسكه باطراف ثوب شوقي
خوفي يطيح الحلم من يديه
خوفي يقولو استسلمت عذوقي
فارق وفاها لطيرها رضيه
من هبتن فارق سنا بسوقي
لو الفراق السرمدي رزيه
في دنيتي مارحت له شفوقي
ماغير نفسي له غدت ضحيه
عيبي فوادي طيب وصدوقي
من له ضحك هو صاحبه وخويه
لو ينتهي وده سعى يبوقي
من أجل يكرم مصطفى صفيه!!!
أشعل مصابيح الأمل بروقي
واوفي لخله من وفا وفيه
بقلم: سليمه بنت عبدالله المشرفيه
رد مع اقتباس