اسمح لى ان اشاركك بهذه الرباعية
ساعات اغنى للفرح يطرح غنايا انين
ساعات انادى ع الغنا يطلع غنايا ضنين
شاعر بحزنى وبغنى حزنى بربابة
بس مش كل الحزانا دايما يغنو حزين
حُرقة» بقلم لطيفة أسير » آخر مشاركة: ناديه محمد الجابي »»»»» الدجال الأعور» بقلم هَنا نور » آخر مشاركة: ناديه محمد الجابي »»»»» حَقِيْقَةٌ مُخْجِلَةٌ» بقلم محمد حمود الحميري » آخر مشاركة: ناديه محمد الجابي »»»»» على هامش الأمس 2» بقلم عصام إبراهيم فقيري » آخر مشاركة: ناديه محمد الجابي »»»»» غزلية» بقلم يحيى سليمان » آخر مشاركة: ناديه محمد الجابي »»»»» مسـار» بقلم الفرحان بوعزة » آخر مشاركة: الفرحان بوعزة »»»»» قراءة فى مقال الزراعة المثالية ولعنــة الأدويــة الكيماويــة» بقلم اسلام رضا » آخر مشاركة: اسلام رضا »»»»» تطبيق نظرية النظم على آية في فهمها إشكال» بقلم خالد أبو اسماعيل » آخر مشاركة: خالد أبو اسماعيل »»»»» أنا المحب رسول الله» بقلم لؤي عبد الله الكاظم » آخر مشاركة: أسيل أحمد »»»»» كنْ طموحًا» بقلم تفالي عبدالحي » آخر مشاركة: أسيل أحمد »»»»»
اسمح لى ان اشاركك بهذه الرباعية
ساعات اغنى للفرح يطرح غنايا انين
ساعات انادى ع الغنا يطلع غنايا ضنين
شاعر بحزنى وبغنى حزنى بربابة
بس مش كل الحزانا دايما يغنو حزين
( 84 )
رحتى يا فرخة يا حبيبتى وموتى
وراحت ف البيت كمان هيبتى
راحت فين البيضة اللى تسد كام بق
ولا صابتك الدوخة قبل ما تصيبنى
*****
( 85 )
عايز تسمع مِنى كلام متزوق
ابعد عن الهم وانساه وروق
دا كتر الغم ع القلب بيهده
وكتر الإنبساط والضحك بيفوق
*****
( 86 )
حالة من الحوار
بلسان وودان حمار
سايدة هنا ما بينا
وبإيد غيرنا القرار
*****
( 87 )
لفيت ف دروبها ياما لف
وياما ريقى فيها اتبل وجف
عايش بموتور محتاج يتلف
وياما وزنى فيها زاد وخف
*****
( 88 )
كلامى فى السياسة كلام غويط
تشوفه بعينك تقول بسيط
دا إنسان ساذج جنب الحيط
تحسبه بعقلك .. تهمس يا حويط
*****
( 89 )
مصر هبة النيل يا عَمر
وأنا ريقى حطبة - بل أَمر
مش لاقى ولا نقطة مايه
ما تفيدنى .. بإيد مين الأمر
*****
( 90 )
أديب وبالأدب بخط أنا حروفى
وأصب ع الصفح شجاعتى وخوفى
ولا يوم هزنى صاحب سلطان
هانحنى له واسقف له بكفوفى
*****
( 91 )
من بطن الحياة خرجت للنور
لا فوقى سقف ولا جنبى سور
بلسانى عايش ولا ماليش زور
على أرض طينة ولا أرض بور
*****
( 92 )
يا بنى يا صغير
نفسى تبقى كبير
تاه عقلى واتحير
من كتر التفكير
اكبر بقى واتغير
من طيب لأمير
*****