( 40 )
حاجة واضحة وزى الشمس
مش محتاجة نظر ولا همس
موافق ... مش موافق
الحرية دى كانت بالأمس
*****
نظرات فى مثال متلازمة ستوكهولم حينما تعشق الضحية جلادها» بقلم اسلام رضا » آخر مشاركة: اسلام رضا »»»»» نظرات في مقال أمطار غريبة» بقلم اسلام رضا » آخر مشاركة: اسلام رضا »»»»» نظرات في مقال ثقافة العين عين الثقافة تحويل العقل إلى ريسيفر» بقلم اسلام رضا » آخر مشاركة: اسلام رضا »»»»» الغرق فى القرآن» بقلم اسلام رضا » آخر مشاركة: اسلام رضا »»»»» قلقلة» بقلم محمد إسماعيل سلامه » آخر مشاركة: أسيل أحمد »»»»» رسالةٌ إلى لا أحد» بقلم العلي الاحمد » آخر مشاركة: العلي الاحمد »»»»» قراءة في مقال ثلث البشر سيعيشون قريبا في عالم البعد الخامس» بقلم اسلام رضا » آخر مشاركة: اسلام رضا »»»»» مسـار» بقلم الفرحان بوعزة » آخر مشاركة: الفرحان بوعزة »»»»» الامثال المصلاوية» بقلم خليل حلاوجي » آخر مشاركة: ناديه محمد الجابي »»»»» علمتني الرياضيات.» بقلم أسيل أحمد » آخر مشاركة: ناديه محمد الجابي »»»»»
( 40 )
حاجة واضحة وزى الشمس
مش محتاجة نظر ولا همس
موافق ... مش موافق
الحرية دى كانت بالأمس
*****
( 41 )
حبيتك يا حبيبتى ومش هاقدر أقولك
عشان انتى من سنى وأنا من سِنك
وبكره يجى اللى يشترى ويقدر
ويخطفك من كفى ويبعدنى عنك
*****
( 42 )
يامه تعالى شوفى حالى
وتعالى شوفى اللى جرالى
دا كل واحد من إخوانى
رافع عَلمه وبيقول وأنا مالى
*****
( 43 )
عشموها كتير بالحلق
وذاع النبأ ع الملأ
لا هِى فِرحة بودَنها
ولا هى دِخلت السبق
*****
( 44 )
سألتك بتحب .. ما جوبتنيش
طب رد .. أيوه .. مافيش
رسينى .. اسكت وأحب وأعيش
ولا أصد .. وابعد عنك .. ولا جيش
*****
( 45 )
شبابيك بيتنــا القديم كلها قديمة
ما بين الخرسانة والطوب ما هى سليمة
فكرت أشيلها بالشاكوش من مطرحها
جات ريح من الشمال بنسمة عليلة
*****
( 46 )
تصور إن الحامل والمحمول بقوا واحد
وإن العيل والراجل كمان صبحم واحد
لما يشيل الحامل المحمول بسهولة
ويأمره الراجل بضرب العيل المارد
*****
( 47 )
ما بين أربع حيطان بحيا وأموت كذا مرة
أنام مرة وأموت مرة وأعيش مرة ومرة
ولا عمرى فكرت فى بكره ولا اللى جاى
ولا كانت حياتى فى يوم أبداً مره
*****
( 48 )
تيجى نبتدى صفحة جديدة
ما احنا حياتنا
يا حياتى كلها صفحات
تيجى ننهى صفحة قديمة
ما احنا كتابنا
يا حياتى فيه غلطات
تيجى تهتدى وتكونى شريكة
دا احنا حياتنا
يا حياتى كلها درجات
*****
( 49 )
من زمان وأنا لسه بحلم
يجى بكره بألف عيد
يزرع جوانا ألف بذرة
تبدر سنابل ف كل إيد
نفرح ببكره وبعده
اللى مستنى لسه وليد
*****