( 75 )
لا هاقول لا عنب ولا امشى يا حمار
ولا هابقى واحد شاطر من الشٌطار
طالع واكل نازل واكل زى المنشار
لأنك أنت السبب .. ما ترد .. يا حمار
*****
مكتبة عامة لتنزيل الكتب ...» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» إهداء .. مكتبة أهل اللغة العربية.» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» إهداء .. مكتبة القرآن الكريم.» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» مَسرحية .. بريشة: عبد الفتاح أفكوح» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» المنصة» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» الجِدار» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» الأمانة» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» غار النصر في غزة» بقلم احمد المعطي » آخر مشاركة: احمد المعطي »»»»» قصة أدبية مؤثرة» بقلم هائل سعيد الصرمي » آخر مشاركة: هائل سعيد الصرمي »»»»» عميل» بقلم إبراهيم ياسين » آخر مشاركة: إبراهيم ياسين »»»»»
( 75 )
لا هاقول لا عنب ولا امشى يا حمار
ولا هابقى واحد شاطر من الشٌطار
طالع واكل نازل واكل زى المنشار
لأنك أنت السبب .. ما ترد .. يا حمار
*****
( 76 )
نويت اتكلم وأعيش بالهلس
وبصوت مسموع وواضح مش بالهمس
بصوت يدوى ويفرقع ف الدنيا وبس
وأبقى مشهور لو حتى قالوا مسو مس
*****
( 77 )
جه عيد ميلادى وعدا
لا فتحت فيه صور ولا عكا
ولا بنيت فيه سور ولا سيكا
واقف مكانى ومحتاج لى زقا
*****
( 78 )
هاموت إمتى أنا ما أعرفش
على سريرى نايم ولا ف بطن قرش
على خط الاستوا ولا جرينتش
مفلس أو مديون ولا ف جيبى قرش
*****
( 79 )
حرية يمين وشمال
وكله عال العال
متمنجهين ومين قال
حالنا اتعوج ومال
***
( 80 )
تعرف عنى إنى أنا وِحِش
والكدب ف وشى بان واتفِرِش
لو تعرف عنى صحيح كدا
لَطِلِع الكلام بردان مِرتِعِش
*****
( 81 )
غنى لى أغنية قديمة طويلة وطول
وقول الآهـ م القلب بحرقة ومول
وطول سكاتك شوية وقول م الأول
دا أنا بحب بلدى وعمرى ف يوم ما اتحول
*****
( 82 )
دا جيوب كتير مِننا فاضية وجعانة
ليلنا يتقلب صبحنا وفطارنا عشانا
وجيوب كتير مِننا مليانة شبعانة
واكله كتير حقنا وبفلوسنا دفيانا
*****
( 83 )
جات علينا الدنيا بميت مليون حال
نبات ف حال ونصبح ف حال ونام ف حال
يتعدل المايل ويتغنى اللى على قد الحال
ونموت وبنردد .. دوام الحال م المحال
*****