لن أفقد الأمل.» بقلم أسيل أحمد » آخر مشاركة: ناديه محمد الجابي »»»»» رجولة.» بقلم عبد الله الرحيلي » آخر مشاركة: ناديه محمد الجابي »»»»» السيِّد.. للشاعر أحمد سعيد موسى» بقلم أحمد موسي » آخر مشاركة: ناديه محمد الجابي »»»»» "كتيّب العشاق"---خواطر غزليّة» بقلم ابراهيم ياسين » آخر مشاركة: إبراهيم ياسين »»»»» نكوص» بقلم الفرحان بوعزة » آخر مشاركة: الفرحان بوعزة »»»»» الـوَلَع باختراع المصطلحات كان طاغياً على النفس في عصر الخليل» بقلم ابو الطيب البلوي القضاعي » آخر مشاركة: ابو الطيب البلوي القضاعي »»»»» عطشان يا صبايا» بقلم سيد يوسف مرسي » آخر مشاركة: ناديه محمد الجابي »»»»» وحدوا الصف» بقلم عدنان عبد النبي البلداوي » آخر مشاركة: عدنان عبد النبي البلداوي »»»»» الهارب و صاحب المعطف بقلمي» بقلم بوشعيب محمد » آخر مشاركة: أسيل أحمد »»»»» عميل» بقلم إبراهيم ياسين » آخر مشاركة: أسيل أحمد »»»»»
( 67 )
فاتت سبعة وستين وعشنا بعد أكتوبر
وشربنا مانجة على تين ودخنا كمان سوبر
وآدى حالنا بقاله سنين مستنيين السوبر
يجينا وإحنا عايشين وبنفرح بأكتوبر
*****
( 68 )
يا لى مستنينى أغنى ما تستناش
وأحسن لك تبعد عنى ولا تترجاش
دا أنا صوتى قريب منى رخيص وبلاش
وإزاى راح أغنى ع اللى راح ولا جاش
*****
( 69 )
نلتقـــى بعـد الفــاصــل
اللى مابعدهوش فـاصــل
نلتقى مع اللى فات ومات والحاصل
ونسيبنا من اللى وصل وصبح واصل
*****
( 70 )
يا بختك يا عم الديك
نجيت من المدبحة
من بين كام مليون ديك
راحوا ع المشرحة
دعتلك أمك رب ينجيك
وما تتفرمش ف المفرمة
وتلاقى حد يفديك
ويبعد عنك حبل المشنقة
*****
( 71 )
ريشة ولعبت فى راس الفنان
هاتوديه على المورستان
جاتله فكره إنام إيه ... جنان
يا يلعب ف الآوت .. يا يلعب بالألوان
*****
( 72 )
ونقول كمان وكمان وكمان وكمان
دا بيلعب ع العود وع الكمان
ماسك كل الأوتار وكمان
كل الآلات صبحت ف خبر كان
*****
( 73 )
حطيت لسانى جوا بٌقى وسكت
ونزلت إيدى العالية اللى فوق لتحت
وكلفت عضمى الهش بلحمى ونشفت
وأقفلت عينى ع النن الأسود ومٌت
*****
( 74 )
بيرسم بالنار والبارود لوحة
خالتنا ف دوامة صابتنا بالدوخة
بكينا والبٌكى غالى ودموعنا مطروحة
وإيه يفيد البٌكى وكلمتنا مدبوحة
*****