سألت ربي بعظيم الصفات وبنور وجهه دعيته وارتجيته
يقبل خضوعي وذلي واعترافي عن كل يوم ٍ تجاوزته وعصيته
صارت حياتي تشتعل بالخطايا وأشغلتني عن فرضي ونسيته
هم ٍ علاني وساكن في الحنايا وعذاب بعدي عنك والله لقيته
إن كان عمري زيادة في هلاكي كل الكرم لو في قبره رميته
وان شفت إنه لخير ٍوانت راضي من يسألك في اللي قدرته وقضيته
بايدك إلاهي خلاص ٍ لاعتلالي وتذود عني كل شر ٍ جنيته
يطمع فؤادي بقربك والودادِ واللي تريده لي ربي رضيته