عقبال كمان خمسين سنة ... ( مهداة للدكتور جمال مرسي )

عقبال كمان خمسين سنة
( مهداة للدكتور جمال مرسي في عيد ميلاده )



خمسين سنة
يا بو قلب أخضر والقصيدة فيه بتطرح سوسنة
عقبال كمان خمسين سنة
تفضل كده ماسك كمان
حاجز مكان
على شط بحر الشعر تعزف للقلوب الطاهرة أجمل دندنة

أما أنا ...
وأنا باقرا شعرك ده بيدخل للكيان ويشدني
مني ويرميني على رمل البحور الممكنة
معرفش ليه بتهزني
رعشة سعادة حنينة
وألقاك هناك
فارد شراعك للمدى
والريح مطاوعة مركبك
وكأن ربك ركّبك
قارب هدى
بتحط إيدك ع الجراح تبرد
وتلقى وقتها الفرح ابتدا
و"عيون بهية" تندهك
فتقوم وتبعت للوطن مليون ندا
غرقت قلوعي في بحارك يا وطن
تايه "زمان العولمة"
وانت السكن
اديني ودنك لحظتين
نرجع معا
دا انا كنت باصرخ من زمان
وأقول " أعرني مسمعا "
..
نادي عليه لازم في مرة هيسمعك
نادي بهية يا ياسين
نادى عينيها الطيبين
هتمد كف حنينة
ولحضنها
هترجعك

إكرامي

مش عارف أحييك على التصميم الرائع اللي انت عملته للأخ الغالي د. جمال مرسي

واللا أحييك على القصيدة الرائعة اللي انت عزفتها على أوتار محبّتك له

والا نبارك للدكتور جمال على بلوغه سن الخمسين.

على العموم انت دايماً مبدع، ودا مش جديد عليك.

أما الدكتور جمال مرسي

فأسأل الله أن يطيل عمره ويحسن عمله ويجعل خير أيامه خواتيمها

آمين

ا

الأستاذ الفاضل / أكرامي قورة
مشاعر فياضة في نص رائع
ولفتة إنسانية وتحية رقيقة
للدكتور جمال مرسي الشاعر
كل سنة وانت طيب يا دكتور

اكرامي كورة مدرسة
منهجها حب وفلسفة
ورد قصايده متلونه
وبيوته فن وهندسة
جايب لمرسي السكرة
تورته كبيرة مدورة
من غير شموع منوره
بعدد سنينه اللي ورا
خمسين سنه شعروغنا
دول بالمقاس والمسطرة
متكونش غلطان في العدد
ولاَّ شهور سنينه صغيَّرة؟

تحية لك على هذه القصيدة الراقية والتي تحمل معاني الوفاء والصدق
ومعك نقول العمر كله يادكتور...

محبتي وتقديري
جوتيار

خمسين سنة
يا بو قلب أخضر والقصيدة فيه بتطرح سوسنة
عقبال كمان خمسين سنة
تفضل كده ماسك كمان
حاجز مكان
على شط بحر الشعر تعزف للقلوب الطاهرة أجمل دندنة

الشاعر الألق / إكرامي قورة ..

كم هي رائعة ، تعبر عن صدق مشاعر الحب والود والإخاء ..
واعذرني إن اقتبست مقدمتها ، لأنهنئ الشاعر الدكتور / جمال مرسي بالخمسين عام اللي جايين إن شاءالله .

كل عام وكلم بألف خير ..

تحيتي .

والريح مطاوعة مركبك
وكأن ربك ركّبك

"
هنا شااااااااااااااااااعر
جميل متجدد
"
اديني ودنك لحظتين
نرجع معا
دا انا كنت باصرخ من زمان
وأقول " أعرني مسمعا

"
هنا قلم خبير محنك
"
عقبال كمان خمسين سنة
( مهداة للدكتور جمال مرسي في عيد ميلاده )
"
هنا
إنساااااااااااااااااان
راقى المشاعر
"""""""""""""
إكرامى قورة تحياتى
ولأستاذنا الفاضل
د. جمال
دعواتى له بطيلة العمر

تحياتى لهذا النبل فى المشاعر
ولهذا الشاعر المتالق اكرامى قورة

وعقبال ميت سنة مش خمسين للشاعر رائع الحس وصافى القلب جمال مرسى
محبتى واحترامى لكما

احتفاءا بميلاد شاعرنا جمال مرسى ولجمال العمل
تثبت

يكفيني أنني مررت هنا كي أستمتع بها لخمسن عاماً أخرى
أو ربما لمائة وخمسين أخرى
هههه
بورك فيكما : أخوي الحبيبين
جمال
و
إكرامي
الصفحة تفيض حباً ونقاءً
وأكاد أغرق في لجتها الحانية ..
أدام الله المحبة ..

هل لي ببعض الوقت أخي الحبيب د. إكرامي لألتقط فيه الأنفاس ثم أعود
أعرف أنك ستسمح لي
لأنك قلبك كبير كبير
يسع كل شئ
فإلى لقاء أيها الحبيب القريب