لإمتى

لإمتى
لإمتى هتبعدى عنى
يا وردة رويتها بدموعي
ساعات ببعد ولكني...
باهمّ لبعدى برجوعى
ما انا الغرقان فى بحر الشوق
بتلعب بيّا أمواجه
ياريتنى معاكى أبقى شروق
ضيا ... وعنيكى تحتاجه
ونبقى الغنوة والموال
وبينا الشوق يكون رحال
يا شمعه قايده فى ضلوعى
زمان كان ليا مركبتى
وكانت مركبى طوعى
لكن البعد موتنى
وكسّر عزمى وشروعى
فكيف أوصل أنا لبرك
وانا غرقان فى بحر الموت
يا إما تمدى لى جسرك
يا إما أموت
بخاف أحلم
ولكنى ساعات باحلم
بإنك شمس
أمد إيديا ما تطولك
يا نسمه فى ربوع الهمس
يا ريتهم كانوا يحكولك
عليا زمان
تلاقى عينيا بتقابلك
فى كل مكان
وتهمس لك
ما تيجى تعيشى فـ ربوعى
يا ورده رويتها بدموعى
لإمتى هتبعدى عنى؟!!
شعر: حسن صلاح حسن

من الواضح اننا امام شاعر يمتلك ادواته الشعرية
ويعزف على موسيقى الاحساس
اعجبتنى وننتظر منك المزيد
تقديرى لك

ومرحبا بك معنا فى الواحة

اقتباس :

زمان كان ليا مركبتى
وكانت مركبى طوعى
لكن البعد موتنى
وكسّر عزمى وشروعى
فكيف أوصل أنا لبرك
وانا غرقان فى بحر الموت
يا إما تمدى لى جسرك
يا إما أموت

الشاعر المبدع / حسن صلاح حسن

تموت لوحدك وتسيبني
مع الوحدة والأوهام
وليه يا بني تعذبني
دا شوقي ليك ياما غلبني
ما تيجي يا بني ف حضاني
أسقي شوقك وتسقيني
داطول ما اللهفة وخداني
ها يفضل قلبي لك وحدك
وربيع عمري وأشجاني
****
أعيش ليلي ونهاري
علي الآهة وع الأحزان
خدك مني يا نور عيني
بحر قاسي في الغربة
ما هو ده اللي تاعبني
ها ترجع أمتي ما تقولي
ولاَّ ها تنسي من تاني

	وانا غرقان فى بحر الموت يا إما تمدى لى جسرك يا إما أموت إيه الجمال ده ياباشا يا ريتهم كانوا يحكولك عليا زمان تلاقى عينيا بتقابلك فى كل مكان إيه الثقة دى ياأبو على تحياتى

أحسنت أيها الشاعر الجميل/ حسن صلاح حسن

في انتظار المزيد والمزيد من إبداعاتك يا ابو علي

تحياتي وتقديري

[size="5"]ما تيجى تعيشى فـ ربوعى[/siz
ما أجمل هذا النداء ..
أخي الشاعر الجميل الأستاذ / حسن صلاح
كن مستعد لأنها قد تلبي الدعوة !
محبتي واحترامي
شاهين

أخى وأستاذى الشاعر الجميل الأستاذ / شاهين أبو الفتوح
أشكرك على مرورك الكريم الذى أسعدنى كثيراً ... ولكم وددت أن تلبى ولكننى ما زلت منتظراً.
بارك الله فيك , ولك خالص شكرى ومحبتى.
حسن صلاح

من الواضح اننا امام شاعر يمتلك ادواته الشعرية
ويعزف على موسيقى الاحساس
اعجبتنى وننتظر منك المزيد
تقديرى لك

ومرحبا بك معنا فى الواحة

أخى الشاعر الكبير وأستاذى الدكتور/ فوزى أبو دنيا
لكم أسعدتنى بمرورك الذى عطر أديم هذه الصفحة
لكم جزيل الشكر وخالص الحب والتقدير
حسن صلاح

اقتباس :

زمان كان ليا مركبتى
وكانت مركبى طوعى
لكن البعد موتنى
وكسّر عزمى وشروعى
فكيف أوصل أنا لبرك
وانا غرقان فى بحر الموت
يا إما تمدى لى جسرك
يا إما أموت

الشاعر المبدع / حسن صلاح حسن

تموت لوحدك وتسيبني
مع الوحدة والأوهام
وليه يا بني تعذبني
دا شوقي ليك ياما غلبني
ما تيجي يا بني ف حضاني
أسقي شوقك وتسقيني
داطول ما اللهفة وخداني
ها يفضل قلبي لك وحدك
وربيع عمري وأشجاني
****
أعيش ليلي ونهاري
علي الآهة وع الأحزان
خدك مني يا نور عيني
بحر قاسي في الغربة
ما هو ده اللي تاعبني
ها ترجع أمتي ما تقولي
ولاَّ ها تنسي من تاني

أستاذى الشاعر الرائع الأستاذ/ الشربينى خطاب

أنا مفدرشى يوم انساك
ولا انسى رجوعى لرحابك
دا اللى فـ كل لحظه هناك
بدق بقلبى على بابك

أشكركم على مروركم الكريم ولكم خالص حبى وتقديرى واحترامى
حسن صلاح حسن

	وانا غرقان فى بحر الموت يا إما تمدى لى جسرك يا إما أموت إيه الجمال ده ياباشا يا ريتهم كانوا يحكولك عليا زمان تلاقى عينيا بتقابلك فى كل مكان إيه الثقة دى ياأبو على تحياتى

أخى الأستاذ / علاء عيسى .... الشاعر الرائع والمبدع
أشكرك على مرورك الكريم .. وأحب أن أبدى إعجابى ببيتين من أجمل ما قرأت


دورى فـ كل القصايد هتلاقينى كاتبها ليكى
كل حرف فـ شعرى ساجد للجمال اللى فـ عينيكى

بارك الله فيك ... وزادك رفعة
حسن صلاح

أحسنت أيها الشاعر الجميل/ حسن صلاح حسن
في انتظار المزيد والمزيد من إبداعاتك يا ابو علي
تحياتي وتقديري

إلى من بالمحبة يحتوينى/ الحبيب مصطفى الجزار
أشكرك على كل ما أتعلمه منك وعلى ترحيبك بى وأنت أستاذى الذى على يديه نمت موهبتى
أشهد الله أنى أحبك فى الله
أعزك الله وأعلى قدرك وجمعنى وأياك دائما على خير فى الدنيا والآخرة إن شاء الله
حسن صلاح