جوه سوق النخاسين

جوه سوق النخاسين
كنت واقفه زى غيرى
واقفه تايه خط سيرى
لسه مستنيه دورى
بين بنات متلونين
بنت بيضا و بنت سمرا
و بنت قمحى
مين هيدفع يلا مين
دى البضاعه رخيصه خالص
اشترى قلّب و عاين
حلوه .وحشه.كله باين
بس اطلب انت مين
جوه سوق النخاسين
كله بيلاعب شنابه
الفقير جاى يبحلق
جاى يسأل عن منابه
و المعلم عضمه واقف
زى كل الجزاريين
رافع الرايا بحسابه بس سابه
لما صاحبنا الغنى وصلت ركابه
دى البشاير ع الشفا اتسكنت
و الرايات اتبدلت
و انكتب اعلى سطورها
دى لجنابه
و ابتدى على المزاد
ميت هدية و فيلا لي
و الميعاد
شهر واحد فيه تباح الممنوعات
وقت فات والسكات لساه ساكنى
من سنين
جوه سوق النخاسين

فكرة السوق رائعة ..
ولكن التناول لم يكن على مستوى الفكرة ..
حاولت إيجاد علاقة بين الكاتب وعمله , فوجدته بعيداً كل البعد عن مضمون النص ..
لم يصلني إحساس الشاعر ..
حتى لو قلنا أنها حكاية شعرية أو حدوتة , فأجدها غير كاملة , فأين الدراما ..
هنا الكتابة من الخارج , فعلى الكاتب أن يلج داخل حكايته أو نصه ليعايش أحداثه ..
خالص تقديري
نبيل مصيلحي

اولا اخى محمود اهلا بك معنا

ونرحب بك بيننا بالواحة

ولانك شاعر تمتلك ادواتك الشعرية فنحن فى انتظارك فى اعمال اخرى
دمت بود

النجار...

الفكرة رائعة بلا شك

وادع الشكل للاخصائين هنا

دمت بخير
محبتي لك
جوتيار

فعلا الفكرة طيبة
والموسيقى طيبة
ولكن .....
أتمنى أن أقرأ لك ابداعات اخرى صديقنا الجميل
كل الود