|
بعد سمر الجدايل وانتخـت بالقذلـه الهلـه |
تبي مني عروسٍ للقصيد ازريت لا غويهـا |
ويومٍ اني لقيت لها الخلود وجيـت ابصلـه |
تنحر ك الكلام اللـي فهقهـا دون مغليهـا |
خضع لك راس مسبوق القصايد وانحنى كله |
وانا بك شاعـر الدنيـا ومشغلهاوماليهـا |
يذكرني رحيلك مجلسٍ باقـي علـى حلـه |
مداهيل الرجال اللـي تنومسنـا مواطيهـا |
هنا علقت سيفٍ يوفي الثارين مـن سلـه |
هنا علقت رمحٍ يطعنى الجـوزاء ويطفيهـا |
هنا بينت مصحفـك الكريـم ودلنـا دلـه |
معك نبدا مواعيـد الكـلام وننتهـي فيهـا |
هنا سقيت غصنٍ من غلاك كنا تحت ظلـه |
نسولف بالغنى يا بايـع الدنيـا وشاريهـا |
هنا كان البياض رجال ماتقبل خنـا الزلـه |
عمايمها سحابٍ وابلـه باقـي مواضيهـا |
رجالٍ لو تشوف الماء غدر ما شربتـه لله |
نبت عشب الرضا ياسيدي بـاول مغازيهـا |
هل التوحيد وكنوز العلوم ونصـرة الملـه |
رجالٍ يضحـك التاريـخ لاولهـا وتاليهـا |
هنا ماضيك ورياض الخليل اللي رعى خله |
شربنا عذبها مادري لعبنـا فـي مغانيهـا |
هنا تخنقني العبره وانا اكتب يارسـول الله |
على قبرك نسيت الناس حاقدهـا وحانيهـا |
وابو قبرٍ يته مـن الفخـر بالبيـد وتجلـه |
على حسدٍ تبين مـن سمايمهـا وصاليهـا |
ويهناه الوفاء قبرٍ يضمك فـي ثـرى تلـه |
مدامه بين فردوس الجنان وبيـن منشيهـا |
وانا لمن ذكرت فراقك اللي في يدي غلـه |
نسيت ان الليالي شيبتنـي مـن بلاويهـا |
على بعد الزمان اللي يعقد الحبـل ويحلـه |
ليا مني ذكرتك طاحـت الدمعـه وراعيهـا |
سلام الله ماهز الصبـاح نسرينـه وفلـه |
على الطفل اليتم اللي عطى الدنيا معانيهـا |