لما التاريخ بدا ينكتب
بص القلم ليكي
رسمك عروسة منورة
..... والحنة ف اديكي
والنيل في حضن الشجر
بيغني لعنيكي
والصورة متدورة
بتلف حواليكي
...............
من زاوية متغيرة
لمح القلم فيكي
بنوتة متحيرة
واقفة.. تناديكي
عايزة الولد شبعان
من زرع اراضيكي
.............
وف لمحة لف القلم
سلم علي نيلك
فارد شراع الامل
وف حلمه يبنيلك
وف سينا رسم القلم صورة للغالين
حبة اسود عالرمل ف القلب متشالين
رسم القلم ملحمة
وخميسة تخزي العين
رجالة صنعت امل
لليوم ده ولبعديين
....
وف الصورة ركن انكتب
باسم العرب متصان
حدوتة .. حبة فرح
مرسومة للاخوان
............
ركن الخليج ابتدي
بسجدة ف الحرمين
بغداد قطر الندي
متشالة جوة العين
..الدوحة .. مسقط.. مطر
..منامة ..يمني زين..
.. أبو ظبي .. شوف الامل
(زايد) رفعو فين
وكويتنا فيه البطل
ما تلاقي زيه اتنين
...........
مر القلم عالشام
رص الرجال صفين
وف سورية .حلم اتولد
للوحدة زي زمان
رفرف علم العروبة
علي ..صيدا.. وف عمان
.............
نزلت دموع القلم
عالشهدا والجدعان
كتب القلم حرفين
يا قدس مش ناسين
مسري النبي العدنان
...........
وف لبيا قلمي طار
يسلم علي المختار
يقله جاي زاير
مليون شهيد في رباط
من .. سوسة.. لجزاير
لف القلم عالنيل
وف لحظة راح داير
اهدي تالي الخرطوم
كام وردة في دواير
...........
وحدتنا متصورة بنوتة ب ضفاير
...............
.........
حط القلم دايرة ع القدس
......... وف بغداد....
يلا نعيد الامل
ونرجع الامجاد
خليكي ديما كدا
ف الصورة يا بلادي
مرسومة ف قلوبنا
ومنورة الوادي
حدوتة متصورة
احكيها لولادي
احكيها لولادي
...........
خالد الهواري