كرسى الحلاق

كرسى الحلاق !!

سيد الموجى

أنا باحترم كرسى الحلاق
أصله استثناء
من قاعدة بعد ما كانت داء
قلبت بوباء !
****
بقىأى كرسى ابن اللى عليه
هو اللى يليه
ويستمر و ( من غير ليه )
زحف الأبناء !
****
أى ابن صاحب دال مشهور
يصبح دكتور
وابن اللى من غير دال مقهور
ضاع علمه هباء !
****
وابن اللى على كتفه الدبابير
وعليكم خير
بكره تلاقوه له شأن كبير
جوه ( الُقُشلاق ) !
****
وابن السفير من غير هندام
ولا كُتر علام
مولود بدرجة قنصل عام
دولة واء واء !
****
وابن المدير من غير تبرير
هُب بقى مدير
لا كفاءة ولا خبرة ولاضمير
ولا حُسْن أداء !
****
وابن الوزير - ربنا يحميه
ويبارك فيه –
وزير ، وبكره ولاد معاليه
يصبحوا وزراء !
****
والجامعة فيها ابن الأستاذ
يصبح لو عاز
أستاذ ولو يتحرقوا بجاز
باقى الزملاء !
****
وفى الفنون ابن الفنان
أيا من كان
محجوز مكانه هو كمان
تحت الأضواء !
****
وابن الرياضى حبايب ابوه
بكره يخلوه
نجم النجوم وزمايله تتوه
فى حوارى بولاق !
****
وابن المذيع بطريق مشروع
أو غير مشروع
مشروع مذيع مرئى ومسموع
أرضى وفضاء !
****
أما ابن أى رئيس تحرير
أو صحفى كبير
فأكيد ومن بره الطوابير
جاى للقراء !
****
لكن يا عينى ابن الحرفوش
هذا اللى مالوش
لا عيلة ولا جد بطربوش
ولا عنده دهاء !
****
ابن اللى فيه اللى مكفّيه
بتزيد مآسيه
مش لاقى حد يحن عليه
بين الأحياء !
****
لا نفع معاه قرض ( الصندوق )
ولا دعم ( شروق )
من تحت عمره ما يطلع فوق
حتى ولو فاق !
****
واقع لا فيه منطق معقول
ولا شىء مقبول
وان قلت ليه تلقى المسئول
قال باستهزاء !
****
اشمعنى يعنى ابن الجزار
وابن النجار
وابن الغفير وابن الحمَّار
وابن السواق ؟!
****
ليه اللى وارث مهنة ابوه
منهم تسيبوه
فى حاله وخلافه تحاسبوه
وكأنه أساء ؟!
****
والرد ببساطة وبشويش
إن الحرافيش
دول اللى مش لاقيين العيش
غير الوجهاء !
****
فيه كرسى بيخلّى اللى عليه
باشا أوبيه
وكرسى مش شايلاه رجليه
زى البؤساء !
****
لكن بقى الكرسى المذكور
محجوز بالدور
ولا يعرف الغش ولا الزور
ولا الاستثناء !
****
وغير كدا حواليه مرايات
فاضحة النيَّات
وكاشفة كافة الاتجاهات
بلا أى زواق !
****
وعشان كدا أنا شايف فيه
سر يخليه
غيرعادى وواجبنا نحيّيه
كرسى الحلاق !!

الله يا عم سيد يا موجي
فيه كرسى بيخلّى اللى عليه
باشا أوبيه
وكرسى مش شايلاه رجليه
زى البؤساء !
****
لكن بقى الكرسى المذكور
محجوز بالدور
ولا يعرف الغش ولا الزور
ولا الاستثناء !
****
وغير كدا حواليه مرايات
فاضحة النيَّات
وكاشفة كافة الاتجاهات
بلا أى زواق !
****
وعشان كدا أنا شايف فيه
سر يخليه
غيرعادى وواجبنا نحيّيه
كرسى الحلاق !!
أتواصل ياعم ولا أقول نعيماً ؟
حلق لي مرة ع الزيرو
وقال للضابط
المذكور فاق
عقله إذاعة ماسبيرو
من غير ظابط
بتزيع ف نفاق
بانت تفاصيل القرعة
ما هي بور بقي
من غير زرعة
كلها انفاق
من يجي كم علقة
مجروح ودمي
اللي بينزف
ملوش ترياق

سلام الـلـه عليكم
الأخ الفاضل الشاعر سيد الموجي

رسمت لنا لوحات شعرية وشاعرية , باسلوب ممتع ومعبّر , وجاءت الصور قوية , سهلة التناول , لتخدم الفكرة الايجابية للقصيدة , وقد وفقت جدا في هذا النقد البناء , الذي تناول حالة اجتماعية ( وربما سياسية ... ) , واختيار العنوان , واستخدامه كرمز محوري , لتقديم المشهد , كان غاية في التوفيق والذكائية الأدبية .
وأسجّل إعجابي بمداخلة الأديب الشاعر الشربيني خطّاب , في معرض إعجابه بالقصيدة , وما خطه من جميل القول , ووضوح الفكرة .
تقبل احترمي وتقديري

أخوك
د. محمد حسن السمان

سيدى الموجى
الشكر كل الشكر والتحية لكرسى الحلاق
الذى ألهمك الفكرة لتمتعنا بتلك الصور الرائعة
روعة فى الأسلوب ورشاقة فى الأداء اللحنى
متابع لك (ووصلت لمصيف الغلابة)
تحياتى لك أيها المبدع

وترحيب خاص بالدكتور.محمد السمان (الأب الحنون)
الرجل الملىء بالحب والميال دائماً لكل إبداع
فحيث يوجد الفن الحقيقى تجد هذا الرجل..

الموجي المبدع...
ومضات ولقطات وجدانية ..واقعية قدرية..حياتية...رسمتها لنا هنا بجدية ومقدرة عالية...

دمت بخير
محبتي لك
جويتار

حلق لي مرة ع الزيرو
وقال للضابط
المذكور فاق
عقله إذاعة ماسبيرو
من غير ظابط
بتزيع ف نفاق
بانت تفاصيل القرعة
ما هي بور بقي
من غير زرعة
كلها انفاق
من يجي كم علقة
مجروح ودمي
اللي بينزف
ملوش ترياق

شاعرنا القدير / الشربينى خطاب
أشكر لك هذا التواصل الجميل الذى جعل قصيدتى جديرة بالقراءة
دمت مبدعا

سلام الـلـه عليكم
الأخ الفاضل الشاعر سيد الموجي
رسمت لنا لوحات شعرية وشاعرية , باسلوب ممتع ومعبّر , وجاءت الصور قوية , سهلة التناول , لتخدم الفكرة الايجابية للقصيدة , وقد وفقت جدا في هذا النقد البناء , الذي تناول حالة اجتماعية ( وربما سياسية ... ) , واختيار العنوان , واستخدامه كرمز محوري , لتقديم المشهد , كان غاية في التوفيق والذكائية الأدبية .
وأسجّل إعجابي بمداخلة الأديب الشاعر الشربيني خطّاب , في معرض إعجابه بالقصيدة , وما خطه من جميل القول , ووضوح الفكرة .
تقبل احترمي وتقديري
أخوك
د. محمد حسن السمان

وعليكم السلام ورحمة الله وبركاته
الشاعر الكبير / د0محمد حسن السمان
مجرد مرورك بمتصفحى المتواضع شرف عظيم لى
وشهادتك وسام على صدرى أعتز به وأفخر
دمت مبدعا وناقدا وإنسانا

سيدى الموجى
الشكر كل الشكر والتحية لكرسى الحلاق
الذى ألهمك الفكرة لتمتعنا بتلك الصور الرائعة
روعة فى الأسلوب ورشاقة فى الأداء اللحنى
متابع لك (ووصلت لمصيف الغلابة)
تحياتى لك أيها المبدع
وترحيب خاص بالدكتور.محمد السمان (الأب الحنون)
الرجل الملىء بالحب والميال دائماً لكل إبداع
فحيث يوجد الفن الحقيقى تجد هذا الرجل..

الشاعر الجميل / حمدى ليلة
أشكر لك مرورك الكريم وأرحب معك بالدكتور محمد السمان الشاعر المبدع
أهلا بك فى مصيف الغلابة بعد أن تركت كرسى الحلاق
أرجو أن يدوم تواصلنا

الموجي المبدع...
ومضات ولقطات وجدانية ..واقعية قدرية..حياتية...رسمتها لنا هنا بجدية ومقدرة عالية...
دمت بخير
محبتي لك
جويتار

الأديب القاص المتميز / جوتيار
شهادتك فخر لى
ووجودك أنار متصفحى
دمت مبدعا

بدون ذكر اسم الشاعر المبدع الاستاذ سيد الموجي .. استطيع ان اعرف بصمته
لك يا شاعر الابداع ثيمة ولون خاص ومميز

الشاعر الرائع سيد الموجي .. دمت بخير وابداع متواصل

احترامي

ميــــــــنا