استنى استنى استناني
مين غيرك انت اتمناني
وخطفني وزهَّر وجداني
وراني الخضرة فأغصاني
أسقي بك جنة تفكيري
تدبل بغياب من يرعاني
أرمي السكة وبوصلة سيري
وتقول خوض حب فحرماني
استنى اسمع لي آخر كلمة
تايه لو قلبك ينساني
استنى حتوحشني النسمه
قرّب علشان باقي زماني
استنى وملّيني النغْمة
ليك همس الحان كم أشجاني
تاخد عمري وكلّ كياني
وتسيب لي القلب؟ قلبك حاني
ماشي خلاص حتعود من تاني
ولا اول صفحه فأحزاني
وسمر ليل حيزور عنواني
ولا النوم صحي وترجاني
استنى استنى استناني
قبلك وحده وبعدك اعاني
دي عيونك اهل وجيراني
وانا برّه اجفانك وحداني
فيك حنيه بتسبق سنك
خليتني امير بين سلطاني
والقسوة ان كان ضوّت منك
كان نورك حضن ودفاني
حكيوا كتير عن عشقي وعنك
عانوا اوصاف مهجة بتهواني
كنت باحس من نبرة صوتك
الموعد دا سلام مواعيدك
لغاية ما فاجئتني بسكوتك
ولمحت الرعشة اللي فإيدك
وعرفت ان الليلة مسافر
سافر يا غرام عمري انعاني
طول منت فغربة غريب فاني
وان لسه الاسم فأوطاني
توصل بأمان دا فراقنا قدر
حظنا نعشق وغربة ما بينّا
بس اياك تنسى وتتصور
ممكن أنساك أنا حاستنى